| Library / Tipiṭaka / तिपिटक • Tipiṭaka / सुत्तनिपातपाळि • Suttanipātapāḷi |
९. किंसीलसुत्तं
9. Kiṃsīlasuttaṃ
३२६.
326.
‘‘किंसीलो किंसमाचारो, कानि कम्मानि ब्रूहयं।
‘‘Kiṃsīlo kiṃsamācāro, kāni kammāni brūhayaṃ;
नरो सम्मा निविट्ठस्स, उत्तमत्थञ्च पापुणे’’॥
Naro sammā niviṭṭhassa, uttamatthañca pāpuṇe’’.
३२७.
327.
धम्मिं कथं एरयितं खणञ्ञू, सुणेय्य सक्कच्च सुभासितानि॥
Dhammiṃ kathaṃ erayitaṃ khaṇaññū, suṇeyya sakkacca subhāsitāni.
३२८.
328.
‘‘कालेन गच्छे गरूनं सकासं, थम्भं निरंकत्वा 5 निवातवुत्ति।
‘‘Kālena gacche garūnaṃ sakāsaṃ, thambhaṃ niraṃkatvā 6 nivātavutti;
अत्थं धम्मं संयमं ब्रह्मचरियं, अनुस्सरे चेव समाचरे च॥
Atthaṃ dhammaṃ saṃyamaṃ brahmacariyaṃ, anussare ceva samācare ca.
३२९.
329.
‘‘धम्मारामो धम्मरतो, धम्मे ठितो धम्मविनिच्छयञ्ञू।
‘‘Dhammārāmo dhammarato, dhamme ṭhito dhammavinicchayaññū;
नेवाचरे धम्मसन्दोसवादं, तच्छेहि नीयेथ सुभासितेहि॥
Nevācare dhammasandosavādaṃ, tacchehi nīyetha subhāsitehi.
३३०.
330.
‘‘हस्सं जप्पं परिदेवं पदोसं, मायाकतं कुहनं गिद्धि मानं।
‘‘Hassaṃ jappaṃ paridevaṃ padosaṃ, māyākataṃ kuhanaṃ giddhi mānaṃ;
सारम्भं कक्कसं कसावञ्च मुच्छं 7, हित्वा चरे वीतमदो ठितत्तो॥
Sārambhaṃ kakkasaṃ kasāvañca mucchaṃ 8, hitvā care vītamado ṭhitatto.
३३१.
331.
‘‘विञ्ञातसारानि सुभासितानि, सुतञ्च विञ्ञातसमाधिसारं।
‘‘Viññātasārāni subhāsitāni, sutañca viññātasamādhisāraṃ;
न तस्स पञ्ञा च सुतञ्च वड्ढति, यो साहसो होति नरो पमत्तो॥
Na tassa paññā ca sutañca vaḍḍhati, yo sāhaso hoti naro pamatto.
३३२.
332.
‘‘धम्मे च ये अरियपवेदिते रता,
‘‘Dhamme ca ye ariyapavedite ratā,
अनुत्तरा ते वचसा मनसा कम्मुना च।
Anuttarā te vacasā manasā kammunā ca;
ते सन्तिसोरच्चसमाधिसण्ठिता,
Te santisoraccasamādhisaṇṭhitā,
सुतस्स पञ्ञाय च सारमज्झगू’’ति॥
Sutassa paññāya ca sāramajjhagū’’ti.
किंसीलसुत्तं नवमं निट्ठितं।
Kiṃsīlasuttaṃ navamaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / सुत्तनिपात-अट्ठकथा • Suttanipāta-aṭṭhakathā / ९. किंसीलसुत्तवण्णना • 9. Kiṃsīlasuttavaṇṇanā
