| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. กิํกณิกปุปฺผิยเตฺถรอปทานํ
9. Kiṃkaṇikapupphiyattheraapadānaṃ
๔๗.
47.
‘‘สุมงฺคโลติ นาเมน, สยมฺภู อปราชิโต;
‘‘Sumaṅgaloti nāmena, sayambhū aparājito;
ปวนา นิกฺขมิตฺวาน, นครํ ปาวิสี ชิโนฯ
Pavanā nikkhamitvāna, nagaraṃ pāvisī jino.
๔๘.
48.
‘‘ปิณฺฑจารํ จริตฺวาน, นิกฺขมฺม นครา มุนิ;
‘‘Piṇḍacāraṃ caritvāna, nikkhamma nagarā muni;
กตกิโจฺจว สมฺพุโทฺธ, โส วสี วนมนฺตเรฯ
Katakiccova sambuddho, so vasī vanamantare.
๔๙.
49.
‘‘กิํกณิปุปฺผํ ปคฺคยฺห, พุทฺธสฺส อภิโรปยิํ;
‘‘Kiṃkaṇipupphaṃ paggayha, buddhassa abhiropayiṃ;
ปสนฺนจิโตฺต สุมโน, สยมฺภุสฺส มเหสิโนฯ
Pasannacitto sumano, sayambhussa mahesino.
๕๐.
50.
‘‘จตุนฺนวุติโต กเปฺป, ยํ ปุปฺผมภิโรปยิํ;
‘‘Catunnavutito kappe, yaṃ pupphamabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๕๑.
51.
‘‘ฉฬาสีติมฺหิโต กเปฺป, อปิลาสิสนามโก;
‘‘Chaḷāsītimhito kappe, apilāsisanāmako;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๕๒.
52.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา กิํกณิกปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā kiṃkaṇikapupphiyo thero imā gāthāyo abhāsitthāti.
กิํกณิกปุปฺผิยเตฺถรสฺสาปทานํ นวมํฯ
Kiṃkaṇikapupphiyattherassāpadānaṃ navamaṃ.
