| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
။ နမော တသ္သ ဘဂဝတော အရဟတော သမ္မာသမ္ဗုဒ္ဓသ္သ။
Namo tassa bhagavato arahato sammāsambuddhassa
အင္ဂုတ္တရနိကာယေ
Aṅguttaranikāye
ဒသကနိပာတ-ဋီကာ
Dasakanipāta-ṭīkā
၁. ပဌမပဏ္ဏာသကံ
1. Paṭhamapaṇṇāsakaṃ
၁. အာနိသံသဝဂ္ဂော
1. Ānisaṃsavaggo
၁. ကိမတ္ထိယသုတ္တဝဏ္ဏနာ
1. Kimatthiyasuttavaṇṇanā
၁. ဒသကနိပာတသ္သ ပဌမေ အဝိပ္ပဋိသာရတ္ထာနီတိ အဝိပ္ပဋိသာရပ္ပယောဇနာနိ။ အဝိပ္ပဋိသာရာနိသံသာနီတိ အဝိပ္ပဋိသာရုဒယာနိ။ ဧတေန အဝိပ္ပဋိသာရော နာမ သီလသ္သ္သ ဥဒယမတ္တံ, သံဝဒ္ဓိတသ္သ ရုက္ခသ္သ ဆာယာပုပ္ဖသဒိသံ, အညော ဧဝ ပနာနေန နိပ္ဖာဒေတဗ္ဗော သမာဓိအာဒိဂုဏောတိ ဒသ္သေတိ။ ‘‘ယာဝ မဂ္ဂာမဂ္ဂဉာဏဒသ္သနဝိသုဒ္ဓိ, တာဝ တရုဏဝိပသ္သနာ’’တိ ဟိ ဝစနတော ဥပက္ကိလေသဝိမုတ္တဥဒယဗ္ဗယဉာဏတော ပရံ အယဉ္စ ဝိပသ္သနာ ဝိရဇ္ဇတိ ယောဂာဝစရော ဝိရတ္တော ပုရိသော ဝိယ ဘရိယာယ သင္ခာရတော ဧတေနာတိ ဝိရာဂော။
1. Dasakanipātassa paṭhame avippaṭisāratthānīti avippaṭisārappayojanāni. Avippaṭisārānisaṃsānīti avippaṭisārudayāni. Etena avippaṭisāro nāma sīlasssa udayamattaṃ, saṃvaddhitassa rukkhassa chāyāpupphasadisaṃ, añño eva panānena nipphādetabbo samādhiādiguṇoti dasseti. ‘‘Yāva maggāmaggañāṇadassanavisuddhi, tāva taruṇavipassanā’’ti hi vacanato upakkilesavimuttaudayabbayañāṇato paraṃ ayañca vipassanā virajjati yogāvacaro viratto puriso viya bhariyāya saṅkhārato etenāti virāgo.
ကိမတ္ထိယသုတ္တဝဏ္ဏနာ နိဋ္ဌိတာ။
Kimatthiyasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. ကိမတ္ထိယသုတ္တံ • 1. Kimatthiyasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. ကိမတ္ထိယသုတ္တဝဏ္ဏနာ • 1. Kimatthiyasuttavaṇṇanā
