| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
નમો તસ્સ ભગવતો અરહતો સમ્માસમ્બુદ્ધસ્સ
Namo tassa bhagavato arahato sammāsambuddhassa
અઙ્ગુત્તરનિકાયે
Aṅguttaranikāye
દસકનિપાત-અટ્ઠકથા
Dasakanipāta-aṭṭhakathā
૧. પઠમપણ્ણાસકં
1. Paṭhamapaṇṇāsakaṃ
૧. આનિસંસવગ્ગો
1. Ānisaṃsavaggo
૧. કિમત્થિયસુત્તવણ્ણના
1. Kimatthiyasuttavaṇṇanā
૧. દસકનિપાતસ્સ પઠમે કુસલાનિ સીલાનીતિ અનવજ્જસીલાનિ. અમઙ્કુભાવસ્સ અવિપ્પટિસારસ્સ અત્થાય સંવત્તન્તીતિ અવિપ્પટિસારત્થાનિ. સો નેસં આનિસંસોતિ અવિપ્પટિસારાનિસંસાનિ. યથાભૂતઞાણદસ્સનત્થોતિઆદીસુ યથાભૂતઞાણદસ્સનં નામ તરુણવિપસ્સના, નિબ્બિદા નામ બલવવિપસ્સના, વિરાગો નામ મગ્ગો, વિમુત્તિ નામ અરહત્તફલં, ઞાણદસ્સનં નામ પચ્ચવેક્ખણઞાણં. અગ્ગાય પરેન્તીતિ અરહત્તત્થાય ગચ્છન્તિ.
1. Dasakanipātassa paṭhame kusalāni sīlānīti anavajjasīlāni. Amaṅkubhāvassa avippaṭisārassa atthāya saṃvattantīti avippaṭisāratthāni. So nesaṃ ānisaṃsoti avippaṭisārānisaṃsāni. Yathābhūtañāṇadassanatthotiādīsu yathābhūtañāṇadassanaṃ nāma taruṇavipassanā, nibbidā nāma balavavipassanā, virāgo nāma maggo, vimutti nāma arahattaphalaṃ, ñāṇadassanaṃ nāma paccavekkhaṇañāṇaṃ. Aggāya parentīti arahattatthāya gacchanti.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧. કિમત્થિયસુત્તં • 1. Kimatthiyasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૭. અવિજ્જાસુત્તાદિવણ્ણના • 1-7. Avijjāsuttādivaṇṇanā
