| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅-၆. ကိမတ္ထိယသုတ္တာဒိဝဏ္ဏနာ
5-6. Kimatthiyasuttādivaṇṇanā
၅-၆. နိယမတ္ထောတိ အဝဓာရဏတ္ထော။ တေန နိယမေန အဝဓာရဏေန – အညံ မဂ္ဂံ ပဋိက္ခိပတိ ဣတော အညသ္သ နိယ္ယာနိကမဂ္ဂသ္သ အဘာဝတော။ ‘‘ဒုက္ခသ္သ ပရိညတ္ထ’’န္တိ ဝုတ္တတ္တာ ဝဋ္ဋဒုက္ခံ ကထိတံ။ အရိယမဂ္ဂေ ဂဟိတေ တသ္သ ပုဗ္ဗဘာဂမဂ္ဂော ဝိပသ္သနာယ ဂဟိတော ဧဝာတိ ‘‘မိသ္သကမဂ္ဂော ကထိတော’’တိ ဝုတ္တံ။ ဥတ္တာနမေဝ အပုဗ္ဗသ္သ အဘာဝာ။ အယံ ပန ဝိသေသော ‘‘ရာဂက္ခယော’’တိအာဒီဟိ ယဒိပိ နိဗ္ဗာနံ ဝုတ္တံ။ တထာပိ အရဟတ္တံ ဝိယ ဗ္ရဟ္မစရိယမ္ပိ။ တေန နိဗ္ဗာနံ ဧဝ ဝုစ္စတိ ‘‘ဣဒံ ဗ္ရဟ္မစရိယပရိယောသာန’’န္တိ။
5-6.Niyamatthoti avadhāraṇattho. Tena niyamena avadhāraṇena – aññaṃ maggaṃ paṭikkhipati ito aññassa niyyānikamaggassa abhāvato. ‘‘Dukkhassa pariññattha’’nti vuttattā vaṭṭadukkhaṃ kathitaṃ. Ariyamagge gahite tassa pubbabhāgamaggo vipassanāya gahito evāti ‘‘missakamaggo kathito’’ti vuttaṃ. Uttānameva apubbassa abhāvā. Ayaṃ pana viseso ‘‘rāgakkhayo’’tiādīhi yadipi nibbānaṃ vuttaṃ. Tathāpi arahattaṃ viya brahmacariyampi. Tena nibbānaṃ eva vuccati ‘‘idaṃ brahmacariyapariyosāna’’nti.
ကိမတ္ထိယသုတ္တာဒိဝဏ္ဏနာ နိဋ္ဌိတာ။
Kimatthiyasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၅. ကိမတ္ထိယသုတ္တံ • 5. Kimatthiyasuttaṃ
၆. ပဌမအညတရဘိက္ခုသုတ္တံ • 6. Paṭhamaaññatarabhikkhusuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅-၆. ကိမတ္ထိယသုတ္တာဒိဝဏ္ဏနာ • 5-6. Kimatthiyasuttādivaṇṇanā
