១-១០. កិមត្ថិយសុត្តាទិវណ្ណនា

1-10. Kimatthiyasuttādivaṇṇanā

១-១០. ឯកាទសកនិបាតស្ស បឋមាទីនិ ឧត្តានត្ថានេវ។ ទសមេ ជនិតស្មិន្តិ កម្មកិលេសេហិ និព្ពត្តេ, ជនេ ឯតស្មិន្តិ វា ជនេតស្មិំ, មនុស្សេសូតិ អត្ថោ។ តេនាហ ‘‘យេ គោត្តបដិសារិនោ’’តិ។ ជនិតស្មិំ-សទ្ទោ ឯវ វា ឥ-ការស្ស ឯ-ការំ កត្វា ‘‘ជនេតស្មិ’’ន្តិ វុត្តោ។ ជនិតស្មិន្តិ ច ជនស្មិន្តិ អត្ថោ វេទិតព្ពោ។ ជនិតស្មិន្តិ សាមញ្ញគ្គហណេបិ យត្ថ ចតុវណ្ណសមញ្ញា, តត្ថេវ មនុស្សលោកេ។ ខត្តិយោ សេដ្ឋោតិ អយំ លោកសមញ្ញាបិ មនុស្សលោកេយេវ, ន ទេវកាយេ ព្រហ្មកាយេ វាតិ ទស្សេតុំ ‘‘យេ គោត្តបដិសារិនោ’’តិ វុត្តំ។ បដិសរន្តីតិ ‘‘អហំ គោតមោ, អហំ កស្សបោ’’តិ បដិ បដិ អត្តនោ គោត្តំ អនុស្សរន្តិ បដិជានន្តិ វាតិ អត្ថោ។

1-10. Ekādasakanipātassa paṭhamādīni uttānatthāneva. Dasame janitasminti kammakilesehi nibbatte, jane etasminti vā janetasmiṃ, manussesūti attho. Tenāha ‘‘ye gottapaṭisārino’’ti. Janitasmiṃ-saddo eva vā i-kārassa e-kāraṃ katvā ‘‘janetasmi’’nti vutto. Janitasminti ca janasminti attho veditabbo. Janitasminti sāmaññaggahaṇepi yattha catuvaṇṇasamaññā, tattheva manussaloke. Khattiyo seṭṭhoti ayaṃ lokasamaññāpi manussalokeyeva, na devakāye brahmakāye vāti dassetuṃ ‘‘ye gottapaṭisārino’’ti vuttaṃ. Paṭisarantīti ‘‘ahaṃ gotamo, ahaṃ kassapo’’ti paṭi paṭi attano gottaṃ anussaranti paṭijānanti vāti attho.

កិមត្ថិយសុត្តាទិវណ្ណនា និដ្ឋិតា។

Kimatthiyasuttādivaṇṇanā niṭṭhitā.

និស្សយវគ្គវណ្ណនា និដ្ឋិតា។

Nissayavaggavaṇṇanā niṭṭhitā.

Next: ២. អនុស្សតិវគ្គោ • 2. Anussativaggo

អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
១-៦. កិមត្ថិយសុត្តាទិវណ្ណនា • 1-6. Kimatthiyasuttādivaṇṇanā
៧-៨. បឋមសញ្ញាសុត្តាទិវណ្ណនា • 7-8. Paṭhamasaññāsuttādivaṇṇanā
៩. សទ្ធសុត្តវណ្ណនា • 9. Saddhasuttavaṇṇanā
១០. មោរនិវាបសុត្តវណ្ណនា • 10. Moranivāpasuttavaṇṇanā

© 1991-2026 Titi Tudorancea Yoga Bulletin | Titi Tudorancea^® is a Registered Trademark | Terms of use and privacy policy
Contact