੬. ਕਿਲੇਸਸਂਯੁਤ੍ਤવਣ੍ਣਨਾ

6. Kilesasaṃyuttavaṇṇanā

੩੨੨-੩੩੧. ਏਸੋਤਿ ਚਕ੍ਖੁਸ੍ਮਿਂ ਛਨ੍ਦਰਾਗੋ। ਉਪੇਚ੍ਚ ਕਿਲੇਸੇਤੀਤਿ ਉਪਕ੍ਕਿਲੇਸੋ। ਚਿਤ੍ਤਸ੍ਸਾਤਿ ਸਾਮਞ੍ਞવਚਨਂ ਅਨਿਚ੍ਛਨ੍ਤੋ ਚੋਦਕੋ ‘‘ਕਤਰਚਿਤ੍ਤਸ੍ਸਾ’’ਤਿ ਆਹ। ਇਤਰੋ ਕਾਮਂ ਉਪਤਾਪਨਮਲੀਨਭਾવਕਰਣવਸੇਨ ਉਪਕ੍ਕਿਲੇਸੋ ਲੋਕੁਤ੍ਤਰਸ੍ਸ ਨਤ੍ਥਿ, વਿਬਾਧਨਟ੍ਠੋ ਪਨ ਅਤ੍ਥੇવ ਉਪ੍ਪਤ੍ਤਿਨਿવਾਰਣਤੋਤਿ ਅਧਿਪ੍ਪਾਯੇਨਾਹ ‘‘ਚਤੁਭੂਮਕਚਿਤ੍ਤਸ੍ਸਾ’’ਤਿ। ਚੋਦਕੋ ‘‘ਤੇਭੂਮਕਾ’’ਤਿਆਦਿਨਾ ਅਤ੍ਤਨੋ ਅਧਿਪ੍ਪਾਯਂ વਿવਰਤਿ, ਇਤਰੋ ‘‘ਉਪ੍ਪਤ੍ਤਿਨਿવਾਰਣਤੋ’’ਤਿਆਦਿਨਾ। ਅਰਿਯਫਲਪਟਿਪ੍ਪਸ੍ਸਦ੍ਧਿਪਹਾਨવਸੇਨ ਪવਤ੍ਤਿਯਾ ਸਬ੍ਬਸਂਕਿਲੇਸਤੋ ਨਿਕ੍ਖਨ੍ਤਤ੍ਤਾ ਨੇਕ੍ਖਮ੍ਮਂ, ਮਗ੍ਗਨਿਬ੍ਬਾਨਾਨਂ ਪਨ ਨੇਕ੍ਖਮ੍ਮਭਾવੋ ਉਕ੍ਕਂਸਤੋ ਗਹਿਤੋ ਏવਾਤਿ ਆਹ ‘‘ਨੇਕ੍ਖਮ੍ਮਨਿਨ੍ਨਨ੍ਤਿ ਨવਲੋਕੁਤ੍ਤਰਧਮ੍ਮਨਿਨ੍ਨ’’ਨ੍ਤਿ। ਅਭਿਜਾਨਿਤ੍વਾਤਿ ਅਭਿਮੁਖਭਾવੇਨ ਜਾਨਿਤ੍વਾ। ਸਚ੍ਛਿਕਾਤਬ੍ਬੇਸੂਤਿ ਪਚ੍ਚਕ੍ਖਕਾਤਬ੍ਬੇਸੁ। ਛਲ਼ਭਿਞ੍ਞਾਧਮ੍ਮੇਸੂਤਿ ਅਰਿਯਮਗ੍ਗਸਮ੍ਪਯੁਤ੍ਤਧਮ੍ਮੇਸੁ।

322-331.Esoti cakkhusmiṃ chandarāgo. Upecca kilesetīti upakkileso. Cittassāti sāmaññavacanaṃ anicchanto codako ‘‘kataracittassā’’ti āha. Itaro kāmaṃ upatāpanamalīnabhāvakaraṇavasena upakkileso lokuttarassa natthi, vibādhanaṭṭho pana attheva uppattinivāraṇatoti adhippāyenāha ‘‘catubhūmakacittassā’’ti. Codako ‘‘tebhūmakā’’tiādinā attano adhippāyaṃ vivarati, itaro ‘‘uppattinivāraṇato’’tiādinā. Ariyaphalapaṭippassaddhipahānavasena pavattiyā sabbasaṃkilesato nikkhantattā nekkhammaṃ, magganibbānānaṃ pana nekkhammabhāvo ukkaṃsato gahito evāti āha ‘‘nekkhammaninnanti navalokuttaradhammaninna’’nti. Abhijānitvāti abhimukhabhāvena jānitvā. Sacchikātabbesūti paccakkhakātabbesu. Chaḷabhiññādhammesūti ariyamaggasampayuttadhammesu.

ਕਿਲੇਸਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।

Kilesasaṃyuttavaṇṇanā niṭṭhitā.

Next: ੭. ਸਾਰਿਪੁਤ੍ਤਸਂਯੁਤ੍ਤਂ • 7. Sāriputtasaṃyuttaṃ

ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਕਿਲੇਸਸਂਯੁਤ੍ਤવਣ੍ਣਨਾ • 6. Kilesasaṃyuttavaṇṇanā

© 1991-2026 Titi Tudorancea Yoga Bulletin | Titi Tudorancea^® is a Registered Trademark | Terms of use and privacy policy
Contact