| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
६. किलेससंयुत्तवण्णना
6. Kilesasaṃyuttavaṇṇanā
३२२-३३१. एसोति चक्खुस्मिं छन्दरागो। उपेच्च किलेसेतीति उपक्किलेसो। चित्तस्साति सामञ्ञवचनं अनिच्छन्तो चोदको ‘‘कतरचित्तस्सा’’ति आह। इतरो कामं उपतापनमलीनभावकरणवसेन उपक्किलेसो लोकुत्तरस्स नत्थि, विबाधनट्ठो पन अत्थेव उप्पत्तिनिवारणतोति अधिप्पायेनाह ‘‘चतुभूमकचित्तस्सा’’ति। चोदको ‘‘तेभूमका’’तिआदिना अत्तनो अधिप्पायं विवरति, इतरो ‘‘उप्पत्तिनिवारणतो’’तिआदिना। अरियफलपटिप्पस्सद्धिपहानवसेन पवत्तिया सब्बसंकिलेसतो निक्खन्तत्ता नेक्खम्मं, मग्गनिब्बानानं पन नेक्खम्मभावो उक्कंसतो गहितो एवाति आह ‘‘नेक्खम्मनिन्नन्ति नवलोकुत्तरधम्मनिन्न’’न्ति। अभिजानित्वाति अभिमुखभावेन जानित्वा। सच्छिकातब्बेसूति पच्चक्खकातब्बेसु। छळभिञ्ञाधम्मेसूति अरियमग्गसम्पयुत्तधम्मेसु।
322-331.Esoti cakkhusmiṃ chandarāgo. Upecca kilesetīti upakkileso. Cittassāti sāmaññavacanaṃ anicchanto codako ‘‘kataracittassā’’ti āha. Itaro kāmaṃ upatāpanamalīnabhāvakaraṇavasena upakkileso lokuttarassa natthi, vibādhanaṭṭho pana attheva uppattinivāraṇatoti adhippāyenāha ‘‘catubhūmakacittassā’’ti. Codako ‘‘tebhūmakā’’tiādinā attano adhippāyaṃ vivarati, itaro ‘‘uppattinivāraṇato’’tiādinā. Ariyaphalapaṭippassaddhipahānavasena pavattiyā sabbasaṃkilesato nikkhantattā nekkhammaṃ, magganibbānānaṃ pana nekkhammabhāvo ukkaṃsato gahito evāti āha ‘‘nekkhammaninnanti navalokuttaradhammaninna’’nti. Abhijānitvāti abhimukhabhāvena jānitvā. Sacchikātabbesūti paccakkhakātabbesu. Chaḷabhiññādhammesūti ariyamaggasampayuttadhammesu.
किलेससंयुत्तवण्णना निट्ठिता।
Kilesasaṃyuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya
१. चक्खुसुत्तं • 1. Cakkhusuttaṃ
२. रूपसुत्तं • 2. Rūpasuttaṃ
३. विञ्ञाणसुत्तं • 3. Viññāṇasuttaṃ
४. सम्फस्ससुत्तं • 4. Samphassasuttaṃ
५. सम्फस्सजसुत्तं • 5. Samphassajasuttaṃ
६. सञ्ञासुत्तं • 6. Saññāsuttaṃ
७. सञ्चेतनासुत्तं • 7. Sañcetanāsuttaṃ
८. तण्हासुत्तं • 8. Taṇhāsuttaṃ
९. धातुसुत्तं • 9. Dhātusuttaṃ
१०. खन्धसुत्तं • 10. Khandhasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ६. किलेससंयुत्तवण्णना • 6. Kilesasaṃyuttavaṇṇanā
