| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༡༡. པཉྩསཏིཀཀྑནྡྷཀཾ
11. Pañcasatikakkhandhakaṃ
༡. ཁུདྡཱནུཁུདྡཀསིཀྑཱཔདཀཐཱ
1. Khuddānukhuddakasikkhāpadakathā
༤༤༡. པཉྩསཏིཀཀྑནྡྷཀེ ‘‘ཙཏྟཱརི…པེ॰… ཁུདྡཀཱནཱི’’ཏི ཨེཝམཱདི ཝུཏྟནྟི སམྦནྡྷོ། པརིཡཱཡེནཱཏི ཀཱརཎེན། དྷཱུམཀཱལིཀནྟི ཨེཏྠ དྷཱུམསྶ ཀཱལོ དྷཱུམཀཱལོ, དྷཱུམསྶ ཨུཊྛིཏཀཱལོཏི ཨཏྠོ། སོ ཨེཏསྶཏྠཱིཏི དྷཱུམཀཱལིཀཾ, སིཀྑཱཔདཔཉྙཏྟཾ། ཨིཏི ཨིམམཏྠཾ དསྶེནྟོ ཨཱཧ ‘‘ཡཱཝཱ’’ཏིཨཱདི།
441. Pañcasatikakkhandhake ‘‘cattāri…pe… khuddakānī’’ti evamādi vuttanti sambandho. Pariyāyenāti kāraṇena. Dhūmakālikanti ettha dhūmassa kālo dhūmakālo, dhūmassa uṭṭhitakāloti attho. So etassatthīti dhūmakālikaṃ, sikkhāpadapaññattaṃ. Iti imamatthaṃ dassento āha ‘‘yāvā’’tiādi.
༤༤༣. ཨིདནྟི ‘‘ཀཏམཱནི པན བྷནྟེ ཁུདྡཱནུཁུདྡཀཱནི སིཀྑཱཔདཱནཱི’’ཏི ཨཔུཙྪནཾ། ‘‘ཏཡཱ’’ཏི ཨིམིནཱ ཨིདཾ ཏེཏི ཨེཏྠ ཏེསདྡསྶ ‘‘ཏུཡ྄ཧཾ, ཏཝཱ’’ཏི ཨཏྠེ པཊིཀྑིཔཏི། ཨཱཔཏྟིནྟི དུཀྐཊཱཔཏྟིཾ། ཧཱིཏི སཙྩཾ, ཡསྨཱ ཝཱ། ཏེཏི ཐེརཱ། ‘‘སངྒྷོ…པེ॰… ན སམུཙྪིནྡཏཱི’’ཏི ཨེཏཾ ཝཙནཾ ཨནུསྶཱཝིཏནྟི ཡོཛནཱ། ‘‘དེསེཧི ཏཾ ཨཱཝུསོ དུཀྐཊ’’ནྟི ཨིདམྤི ཙ ཝུཏྟནྟི སམྦནྡྷོ། ཐེརོ པནཱཏི ཨཱནནྡཏྠེརོ པན ཨཱཧཱཏི སམྦནྡྷོ། ཏཏྠཱཏི ཨཔུཙྪནེ། ཡཐཱཏི ཡེནཱཀཱརེན། ཙཏཱུསུ ཋཱནེསཱུཏི ‘‘བྷགཝཏོ ཝསྶིཀསཱཊིཀཾ ཨཀྐམིཏྭཱ སིབྦེསཱི’’ཏིཨཱདཱིསུ ཙཏཱུསུ ཋཱནེསུ། ཨེཏྠཱཏི པཉྩསཏིཀཀྑནྡྷཀེ།
443.Idanti ‘‘katamāni pana bhante khuddānukhuddakāni sikkhāpadānī’’ti apucchanaṃ. ‘‘Tayā’’ti iminā idaṃ teti ettha tesaddassa ‘‘tuyhaṃ, tavā’’ti atthe paṭikkhipati. Āpattinti dukkaṭāpattiṃ. Hīti saccaṃ, yasmā vā. Teti therā. ‘‘Saṅgho…pe… na samucchindatī’’ti etaṃ vacanaṃ anussāvitanti yojanā. ‘‘Desehi taṃ āvuso dukkaṭa’’nti idampi ca vuttanti sambandho. Thero panāti ānandatthero pana āhāti sambandho. Tatthāti apucchane. Yathāti yenākārena. Catūsu ṭhānesūti ‘‘bhagavato vassikasāṭikaṃ akkamitvā sibbesī’’tiādīsu catūsu ṭhānesu. Etthāti pañcasatikakkhandhake.
ཨིཏི པཉྩསཏིཀཀྑནྡྷཀཝཎྞནཱཡ ཡོཛནཱ སམཏྟཱ།
Iti pañcasatikakkhandhakavaṇṇanāya yojanā samattā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi / ༢. ཁུདྡཱནུཁུདྡཀསིཀྑཱཔདཀཐཱ • 2. Khuddānukhuddakasikkhāpadakathā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā / ཁུདྡཱནུཁུདྡཀསིཀྑཱཔདཀཐཱ • Khuddānukhuddakasikkhāpadakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཁུདྡཱནུཁུདྡཀསིཀྑཱཔདཀཐཱཝཎྞནཱ • Khuddānukhuddakasikkhāpadakathāvaṇṇanā
