| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૧૨. ખોમદુસ્સસુત્તવણ્ણના
12. Khomadussasuttavaṇṇanā
૨૦૮. દ્વાદસમે ખોમદુસ્સં નામાતિ ખોમદુસ્સાનં ઉસ્સન્નત્તા એવંલદ્ધનામં. સભાયન્તિ સાલાયં. ફુસાયતીતિ ફુસિતાનિ મુઞ્ચતિ વસ્સતિ. સત્થા કિર તં સભં ઉપસઙ્કમિતુકામો – ‘‘મયિ એવમેવં ઉપસઙ્કમન્તે અફાસુકધાતુકં હોતિ, એકં કારણં પટિચ્ચ ઉપસઙ્કમિસ્સામી’’તિ અધિટ્ઠાનવસેન વુટ્ઠિં ઉપ્પાદેસિ. સભાધમ્મન્તિ સુખનિસિન્ને કિર અસઞ્ચાલેત્વા એકપસ્સેન પવિસનં તેસં સભાધમ્મો નામ, ન મહાજનં ચાલેત્વા ઉજુકમેવ પવિસનં. ભગવા ચ ઉજુકમેવ આગચ્છતિ, તેન તે કુપિતા ભગવન્તં હીળેન્તા ‘‘કે ચ મુણ્ડકા સમણકા, કે ચ સભાધમ્મં જાનિસ્સન્તી’’તિ આહંસુ. સન્તોતિ પણ્ડિતા સપ્પુરિસા. પહાયાતિ એતે રાગાદયો જહિત્વા રાગાદિવિનયાય ધમ્મં ભણન્તિ, તસ્મા તે સન્તો નામાતિ. દ્વાદસમં.
208. Dvādasame khomadussaṃ nāmāti khomadussānaṃ ussannattā evaṃladdhanāmaṃ. Sabhāyanti sālāyaṃ. Phusāyatīti phusitāni muñcati vassati. Satthā kira taṃ sabhaṃ upasaṅkamitukāmo – ‘‘mayi evamevaṃ upasaṅkamante aphāsukadhātukaṃ hoti, ekaṃ kāraṇaṃ paṭicca upasaṅkamissāmī’’ti adhiṭṭhānavasena vuṭṭhiṃ uppādesi. Sabhādhammanti sukhanisinne kira asañcāletvā ekapassena pavisanaṃ tesaṃ sabhādhammo nāma, na mahājanaṃ cāletvā ujukameva pavisanaṃ. Bhagavā ca ujukameva āgacchati, tena te kupitā bhagavantaṃ hīḷentā ‘‘ke ca muṇḍakā samaṇakā, ke ca sabhādhammaṃ jānissantī’’ti āhaṃsu. Santoti paṇḍitā sappurisā. Pahāyāti ete rāgādayo jahitvā rāgādivinayāya dhammaṃ bhaṇanti, tasmā te santo nāmāti. Dvādasamaṃ.
ઉપાસકવગ્ગો દુતિયો.
Upāsakavaggo dutiyo.
ઇતિ સારત્થપ્પકાસિનિયા
Iti sāratthappakāsiniyā
સંયુત્તનિકાય-અટ્ઠકથાય
Saṃyuttanikāya-aṭṭhakathāya
બ્રાહ્મણસંયુત્તવણ્ણના નિટ્ઠિતા.
Brāhmaṇasaṃyuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૨. ખોમદુસ્સસુત્તં • 12. Khomadussasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧૨. ખોમદુસ્સસુત્તવણ્ણના • 12. Khomadussasuttavaṇṇanā
