| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
१२. खोमदुस्ससुत्तवण्णना
12. Khomadussasuttavaṇṇanā
२०८. एवंलद्धनामं पिण्डाय पाविसीति योजना। एवमेवन्ति केनचि अनिमन्तितेन सयमेव उपसङ्कमन्ते। अफासुकधातुकन्ति अयुत्तरूपं। सभाधम्मन्ति सभाय चरितब्बं चारित्तधम्मं। असञ्चालेत्वाति आसनतो अवुट्ठापेत्वा। उजुकमेव आगच्छति लोकग्गनायको भगवा सब्बसत्तुत्तमो अत्तनो उत्तरितरस्स अभावतो लोकस्स अपचितिं न दस्सेति। ये सब्बसो संकिलेसे पजहन्ति, तेव पण्डिते ‘‘सन्तो’’ति दस्सेति ‘‘एते’’तिआदिना।
208. Evaṃladdhanāmaṃ piṇḍāya pāvisīti yojanā. Evamevanti kenaci animantitena sayameva upasaṅkamante. Aphāsukadhātukanti ayuttarūpaṃ. Sabhādhammanti sabhāya caritabbaṃ cārittadhammaṃ. Asañcāletvāti āsanato avuṭṭhāpetvā. Ujukameva āgacchati lokagganāyako bhagavā sabbasattuttamo attano uttaritarassa abhāvato lokassa apacitiṃ na dasseti. Ye sabbaso saṃkilese pajahanti, teva paṇḍite ‘‘santo’’ti dasseti ‘‘ete’’tiādinā.
खोमदुस्ससुत्तवण्णना निट्ठिता।
Khomadussasuttavaṇṇanā niṭṭhitā.
दुतियवग्गवण्णना निट्ठिता।
Dutiyavaggavaṇṇanā niṭṭhitā.
सारत्थप्पकासिनिया संयुत्तनिकाय-अट्ठकथाय
Sāratthappakāsiniyā saṃyuttanikāya-aṭṭhakathāya
ब्राह्मणसंयुत्तवण्णनाय लीनत्थप्पकासना समत्ता।
Brāhmaṇasaṃyuttavaṇṇanāya līnatthappakāsanā samattā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १२. खोमदुस्ससुत्तं • 12. Khomadussasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १२. खोमदुस्ससुत्तवण्णना • 12. Khomadussasuttavaṇṇanā
