| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൪. ഖീരസുത്തവണ്ണനാ
4. Khīrasuttavaṇṇanā
൧൨൭. ചതുത്ഥേ മാതുഥഞ്ഞന്തി ഏകനാമികായ മനുസ്സമാതു ഖീരം. ഇമേസഞ്ഹി സത്താനം ഗണ്ഡുപ്പാദകിപില്ലികാദീസു വാ മച്ഛകച്ഛപാദീസു വാ പക്ഖിജാതേസു വാ നിബ്ബത്തകാലേ മാതുഖീരമേവ നത്ഥി, അജപസുമഹിംസാദീസു നിബ്ബത്തകാലേ ഖീരം അത്ഥി, തഥാ മനുസ്സേസു. തത്ഥ അജാദികാലേ ച മനുസ്സേസു ചാപി ‘‘ദേവീ സുമനാ തിസ്സാ’’തി ഏവം നാനാനാമികാനം കുച്ഛിയം നിബ്ബത്തകാലേ അഗ്ഗഹേത്വാ തിസ്സാതി ഏകനാമികായ ഏവ മാതു കുച്ഛിയം നിബ്ബത്തകാലേ പീതം ഥഞ്ഞം ചതൂസു മഹാസമുദ്ദേസു ഉദകതോ ബഹുതരന്തി വേദിതബ്ബം. ചതുത്ഥം.
127. Catutthe mātuthaññanti ekanāmikāya manussamātu khīraṃ. Imesañhi sattānaṃ gaṇḍuppādakipillikādīsu vā macchakacchapādīsu vā pakkhijātesu vā nibbattakāle mātukhīrameva natthi, ajapasumahiṃsādīsu nibbattakāle khīraṃ atthi, tathā manussesu. Tattha ajādikāle ca manussesu cāpi ‘‘devī sumanā tissā’’ti evaṃ nānānāmikānaṃ kucchiyaṃ nibbattakāle aggahetvā tissāti ekanāmikāya eva mātu kucchiyaṃ nibbattakāle pītaṃ thaññaṃ catūsu mahāsamuddesu udakato bahutaranti veditabbaṃ. Catutthaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൪. ഖീരസുത്തം • 4. Khīrasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൪. ഖീരസുത്തവണ്ണനാ • 4. Khīrasuttavaṇṇanā
