| Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༤-༦. ཁཱིརརུཀྑོཔམསུཏྟཱདིཝཎྞནཱ
4-6. Khīrarukkhopamasuttādivaṇṇanā
༢༣༡-༢༣༣. ཙཏུཏྠེ ཨཔྤཧཱིནཊྛེན ཨཏྠི, ཏེནེཝཱཧ སོ ཨཔྤཧཱིནོཏི། པརིཏྟཱཏི, པབྦཏམཏྟམྤི རཱུཔཾ ཨནིཊྛཾ ཨརཛནཱིཡཾ པརིཏྟཾ ནཱམ ཧོཏི, ཨེཝརཱུཔཱཔིསྶ རཱུཔཱ ཙིཏྟཾ པརིཡཱདིཡནྟཱིཏི དསྶེཏི། ཀོ པན ཝཱདོ ཨདྷིམཏྟཱནནྟི ཨིཊྛཱརམྨཎཾ པནསྶ རཛནཱིཡཾ ཝཏྠུ ཙིཏྟཾ པརིཡཱདིཡཏཱིཏི ཨེཏྠ ཀཱ ཀཐཱ? ཨེཏྠ ཙ ནཁཔིཊྛིཔམཱཎམྤི མཎིམུཏྟཱདི རཛནཱིཡཾ ཝཏྠུ ཨདྷིམཏྟཱརམྨཎམེཝཱཏི ཝེདིཏབྦཾ། དཧརོཏིཨཱདཱིནི ཏཱིཎིཔི ཨཉྙམཉྙཝེཝཙནཱནེཝ། ཨཱབྷིནྡེཡྻཱཏི པཧརེཡྻ པདཱལེཡྻ ཝཱ། པཉྩམེ ཏདུབྷཡནྟི ཏཾ ཨུབྷཡཾ། ཚཊྛཾ ཨུཏྟཱནམེཝ།
231-233. Catutthe appahīnaṭṭhena atthi, tenevāha so appahīnoti. Parittāti, pabbatamattampi rūpaṃ aniṭṭhaṃ arajanīyaṃ parittaṃ nāma hoti, evarūpāpissa rūpā cittaṃ pariyādiyantīti dasseti. Ko pana vādo adhimattānanti iṭṭhārammaṇaṃ panassa rajanīyaṃ vatthu cittaṃ pariyādiyatīti ettha kā kathā? Ettha ca nakhapiṭṭhipamāṇampi maṇimuttādi rajanīyaṃ vatthu adhimattārammaṇamevāti veditabbaṃ. Daharotiādīni tīṇipi aññamaññavevacanāneva. Ābhindeyyāti pahareyya padāleyya vā. Pañcame tadubhayanti taṃ ubhayaṃ. Chaṭṭhaṃ uttānameva.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya
༤. ཁཱིརརུཀྑོཔམསུཏྟཾ • 4. Khīrarukkhopamasuttaṃ
༥. ཀོཊྛིཀསུཏྟཾ • 5. Koṭṭhikasuttaṃ
༦. ཀཱམབྷཱུསུཏྟཾ • 6. Kāmabhūsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤-༦. ཁཱིརརུཀྑོཔམསུཏྟཱདིཝཎྞནཱ • 4-6. Khīrarukkhopamasuttādivaṇṇanā
