| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၇. ခိပ္ပနိသန္တိသုတ္တဝဏ္ဏနာ
7. Khippanisantisuttavaṇṇanā
၉၇. သတ္တမေ ခိပ္ပနိသန္တီတိ ခိပ္ပနိသာမနော သီဃံ ဇာနိတုံ သမတ္ထော။ သုတာနဉ္စ ဓမ္မာနန္တိ သုတပ္ပဂုဏာနံ တန္တိဓမ္မာနံ။ အတ္ထူပပရိက္ခီတိ အတ္ထံ ဥပပရိက္ခကော။ အတ္ထမညာယ ဓမ္မမညာယာတိ အဋ္ဌကထဉ္စ ပာဠိဉ္စ ဇာနိတ္ဝာ။ ဓမ္မာနုဓမ္မပ္ပဋိပန္နော ဟောတီတိ နဝလောကုတ္တရဓမ္မာနံ အနုရူပဓမ္မဘူတံ သသီလကံ ပုဗ္ဗဘာဂပ္ပဋိပဒံ ပဋိပန္နော ဟောတိ။ နော စ ကလ္ယာဏဝာစောတိ န သုန္ဒရဝစနော။ န ကလ္ယာဏဝာက္ကရဏောတိ န သုန္ဒရဝစနဃောသော ဟောတိ။ ပောရိယာတိအာဒီဟိ သဒ္ဓိံ နော-ကာရော ယောဇေတဗ္ဗောယေဝ။ ဂုဏပရိပုဏ္ဏာယ အပလိဗုဒ္ဓာယ အဒောသာယ အဂဠိတပဒဗ္ယဉ္ဇနာယ အတ္ထံ ဝိညာပေတုံ သမတ္ထာယ ဝာစာယ သမန္နာဂတော န ဟောတီတိ အတ္ထော။ ဣမိနာ ဥပာယေန သဗ္ဗတ္ထ အတ္ထော ဝေဒိတဗ္ဗော။
97. Sattame khippanisantīti khippanisāmano sīghaṃ jānituṃ samattho. Sutānañca dhammānanti sutappaguṇānaṃ tantidhammānaṃ. Atthūpaparikkhīti atthaṃ upaparikkhako. Atthamaññāya dhammamaññāyāti aṭṭhakathañca pāḷiñca jānitvā. Dhammānudhammappaṭipanno hotīti navalokuttaradhammānaṃ anurūpadhammabhūtaṃ sasīlakaṃ pubbabhāgappaṭipadaṃ paṭipanno hoti. No ca kalyāṇavācoti na sundaravacano. Na kalyāṇavākkaraṇoti na sundaravacanaghoso hoti. Poriyātiādīhi saddhiṃ no-kāro yojetabboyeva. Guṇaparipuṇṇāya apalibuddhāya adosāya agaḷitapadabyañjanāya atthaṃ viññāpetuṃ samatthāya vācāya samannāgato na hotīti attho. Iminā upāyena sabbattha attho veditabbo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၇. ခိပ္ပနိသန္တိသုတ္တံ • 7. Khippanisantisuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၇-၁၀. ခိပ္ပနိသန္တိသုတ္တာဒိဝဏ္ဏနာ • 7-10. Khippanisantisuttādivaṇṇanā
