| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౭. ఖిప్పనిసన్తిసుత్తవణ్ణనా
7. Khippanisantisuttavaṇṇanā
౯౭. సత్తమే ఖిప్పనిసన్తీతి ఖిప్పనిసామనో సీఘం జానితుం సమత్థో. సుతానఞ్చ ధమ్మానన్తి సుతప్పగుణానం తన్తిధమ్మానం. అత్థూపపరిక్ఖీతి అత్థం ఉపపరిక్ఖకో. అత్థమఞ్ఞాయ ధమ్మమఞ్ఞాయాతి అట్ఠకథఞ్చ పాళిఞ్చ జానిత్వా. ధమ్మానుధమ్మప్పటిపన్నో హోతీతి నవలోకుత్తరధమ్మానం అనురూపధమ్మభూతం ససీలకం పుబ్బభాగప్పటిపదం పటిపన్నో హోతి. నో చ కల్యాణవాచోతి న సున్దరవచనో. న కల్యాణవాక్కరణోతి న సున్దరవచనఘోసో హోతి. పోరియాతిఆదీహి సద్ధిం నో-కారో యోజేతబ్బోయేవ. గుణపరిపుణ్ణాయ అపలిబుద్ధాయ అదోసాయ అగళితపదబ్యఞ్జనాయ అత్థం విఞ్ఞాపేతుం సమత్థాయ వాచాయ సమన్నాగతో న హోతీతి అత్థో. ఇమినా ఉపాయేన సబ్బత్థ అత్థో వేదితబ్బో.
97. Sattame khippanisantīti khippanisāmano sīghaṃ jānituṃ samattho. Sutānañca dhammānanti sutappaguṇānaṃ tantidhammānaṃ. Atthūpaparikkhīti atthaṃ upaparikkhako. Atthamaññāya dhammamaññāyāti aṭṭhakathañca pāḷiñca jānitvā. Dhammānudhammappaṭipanno hotīti navalokuttaradhammānaṃ anurūpadhammabhūtaṃ sasīlakaṃ pubbabhāgappaṭipadaṃ paṭipanno hoti. No ca kalyāṇavācoti na sundaravacano. Na kalyāṇavākkaraṇoti na sundaravacanaghoso hoti. Poriyātiādīhi saddhiṃ no-kāro yojetabboyeva. Guṇaparipuṇṇāya apalibuddhāya adosāya agaḷitapadabyañjanāya atthaṃ viññāpetuṃ samatthāya vācāya samannāgato na hotīti attho. Iminā upāyena sabbattha attho veditabbo.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౭. ఖిప్పనిసన్తిసుత్తం • 7. Khippanisantisuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౭-౧౦. ఖిప్పనిసన్తిసుత్తాదివణ్ణనా • 7-10. Khippanisantisuttādivaṇṇanā
