| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൭. ഖേത്തൂപമസുത്തവണ്ണനാ
7. Khettūpamasuttavaṇṇanā
൩൫൯. ഥദ്ധന്തി കഥിനം ലൂഖം. ഊസരന്തി ഊസജാതം. ചതൂഹിപി ഓഘേഹി അനഭിഭവനീയതായ അഹം ദീപോ. സബ്ബപരിസ്സയേഹി അനഭിഭവനീയതായ അഹം ലേണോ. സബ്ബദുക്ഖപരിത്താസനതോ തായനട്ഠേന അഹം താണം. സബ്ബഭയഹിംസനതോ അഹം സരണന്തി യോജേതബ്ബം.
359.Thaddhanti kathinaṃ lūkhaṃ. Ūsaranti ūsajātaṃ. Catūhipi oghehi anabhibhavanīyatāya ahaṃ dīpo. Sabbaparissayehi anabhibhavanīyatāya ahaṃ leṇo. Sabbadukkhaparittāsanato tāyanaṭṭhena ahaṃ tāṇaṃ. Sabbabhayahiṃsanato ahaṃ saraṇanti yojetabbaṃ.
ഉദകമണികോതി മഹന്തം ഉദകഭാജനം. ബഹി വിസ്സന്ദനവസേന ഉദകം ന ഹരതീതി അഹാരീ, പരിതോ ന പഗ്ഘരതീതി അപരിഹാരീ. സക്കച്ചമേവ ദേസേന്തി സദ്ധമ്മഗാരവസ്സ സബ്ബസത്തേസു മഹാകരുണായ ച ബുദ്ധാനം സമാനരസത്താ. ചതസ്സോ പന പരിസാ സത്ഥുഗാരവേന അത്തനോ ച സദ്ധാസമ്പന്നതായ സദ്ദഹിത്വാ ഓകപ്പേത്വാ സുണന്തി, തസ്മാ താ ദേസനാഫലേന യുജ്ജന്തി. കിച്ചസിദ്ധിയാ സത്ഥു ദേസനാ തത്ഥ സക്കച്ചദേസനാ നാമ ജാതാ.
Udakamaṇikoti mahantaṃ udakabhājanaṃ. Bahi vissandanavasena udakaṃ na haratīti ahārī, parito na paggharatīti aparihārī. Sakkaccameva desenti saddhammagāravassa sabbasattesu mahākaruṇāya ca buddhānaṃ samānarasattā. Catasso pana parisā satthugāravena attano ca saddhāsampannatāya saddahitvā okappetvā suṇanti, tasmā tā desanāphalena yujjanti. Kiccasiddhiyā satthu desanā tattha sakkaccadesanā nāma jātā.
ഖേത്തൂപമസുത്തവണ്ണനാ നിട്ഠിതാ.
Khettūpamasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. ഖേത്തൂപമസുത്തം • 7. Khettūpamasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൭. ഖേത്തൂപമസുത്തവണ്ണനാ • 7. Khettūpamasuttavaṇṇanā
