| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਖੇਤ੍ਤੂਪਮਸੁਤ੍ਤવਣ੍ਣਨਾ
7. Khettūpamasuttavaṇṇanā
੩੫੯. ਸਤ੍ਤਮੇ ਜਙ੍ਗਲਨ੍ਤਿ ਥਦ੍ਧਂ ਨ ਮੁਦੁ। ਊਸਰਨ੍ਤਿ ਸਞ੍ਜਾਤਲੋਣਂ। ਪਾਪਭੂਮੀਤਿ ਲਾਮਕਭੂਮਿਭਾਗਂ। ਮਂਦੀਪਾਤਿਆਦੀਸੁ ਅਹਂ ਦੀਪੋ ਪਤਿਟ੍ਠਾ ਏਤੇਸਨ੍ਤਿ ਮਂਦੀਪਾ। ਅਹਂ ਲੇਣੋ ਅਲ੍ਲੀਯਨਟ੍ਠਾਨਂ ਏਤੇਸਨ੍ਤਿ ਮਂਲੇਣਾ। ਅਹਂ ਤਾਣਂ ਰਕ੍ਖਾ ਏਤੇਸਨ੍ਤਿ ਮਂਤਾਣਾ। ਅਹਂ ਸਰਣਂ ਭਯਨਾਸਨਂ ਏਤੇਸਨ੍ਤਿ ਮਂਸਰਣਾ। વਿਹਰਨ੍ਤੀਤਿ ਮਂ ਏવਂ ਕਤ੍વਾ વਿਹਰਨ੍ਤਿ।
359. Sattame jaṅgalanti thaddhaṃ na mudu. Ūsaranti sañjātaloṇaṃ. Pāpabhūmīti lāmakabhūmibhāgaṃ. Maṃdīpātiādīsu ahaṃ dīpo patiṭṭhā etesanti maṃdīpā. Ahaṃ leṇo allīyanaṭṭhānaṃ etesanti maṃleṇā. Ahaṃ tāṇaṃ rakkhā etesanti maṃtāṇā. Ahaṃ saraṇaṃ bhayanāsanaṃ etesanti maṃsaraṇā. Viharantīti maṃ evaṃ katvā viharanti.
ਗੋਭਤ੍ਤਮ੍ਪੀਤਿ ਧਞ੍ਞਫਲਸ੍ਸ ਅਭਾવੇਨ ਲਾਯਿਤ੍વਾ ਕਲਾਪਕਲਾਪਂ ਬਨ੍ਧਿਤ੍વਾ ਠਪਿਤਂ ਗਿਮ੍ਹਕਾਲੇ ਗੁਨ੍ਨਮ੍ਪਿ ਖਾਦਨਂ ਭવਿਸ੍ਸਤੀਤਿ ਅਤ੍ਥੋ। ਉਦਕਮਣਿਕੋਤਿ ਕੁਚ੍ਛਿਯਂ ਮਣਿਕਮੇਖਲਾਯ ਏવਂ ਲਦ੍ਧਨਾਮੋ ਭਾਜਨવਿਸੇਸੋ। ਅਹਾਰੀ ਅਪਰਿਹਾਰੀਤਿ ਉਦਕਂ ਨ ਹਰਤਿ ਨ ਪਰਿਹਰਤਿ, ਨ ਪਰਿਯਾਦਿਯਤੀਤਿ ਅਤ੍ਥੋ। ਇਤਿ ਇਮਸ੍ਮਿਂ ਸੁਤ੍ਤੇ ਸਕ੍ਕਚ੍ਚਧਮ੍ਮਦੇਸਨਾવ ਕਥਿਤਾ। ਬੁਦ੍ਧਾਨਞ੍ਹਿ ਅਸਕ੍ਕਚ੍ਚਧਮ੍ਮਦੇਸਨਾ ਨਾਮ ਨਤ੍ਥਿ। ਸੀਹਸਮਾਨવੁਤ੍ਤਿਨੋ ਹਿ ਬੁਦ੍ਧਾ, ਯਥਾ ਸੀਹੋ ਪਭਿਨ੍ਨવਰવਾਰਣਸ੍ਸਪਿ ਸਸਬਿਲ਼ਾਰਾਦੀਨਮ੍ਪਿ ਗਹਣਤ੍ਥਾਯ ਏਕਸਦਿਸਮੇવ વੇਗਂ ਕਰੋਤਿ, ਏવਂ ਬੁਦ੍ਧਾਪਿ ਏਕਸ੍ਸ ਦੇਸੇਨ੍ਤਾਪਿ ਦ੍વਿਨ੍ਨਂ ਬਹੂਨਂ ਭਿਕ੍ਖੁਪਰਿਸਾਯ ਭਿਕ੍ਖੁਨਿਉਪਾਸਕਉਪਾਸਿਕਾਪਰਿਸਾਯਪਿ ਤਿਤ੍ਥਿਯਾਨਮ੍ਪਿ ਦੇਸੇਨ੍ਤਾ ਸਕ੍ਕਚ੍ਚਮੇવ ਦੇਸੇਨ੍ਤਿ। ਚਤਸ੍ਸੋ ਪਨ ਪਰਿਸਾ ਸਦ੍ਦਹਿਤ੍વਾ ਓਕਪ੍ਪੇਤ੍વਾ ਸੁਣਨ੍ਤੀਤਿ ਤਾਸਂ ਦੇਸਨਾ ਸਕ੍ਕਚ੍ਚਦੇਸਨਾ ਨਾਮ ਜਾਤਾ।
Gobhattampīti dhaññaphalassa abhāvena lāyitvā kalāpakalāpaṃ bandhitvā ṭhapitaṃ gimhakāle gunnampi khādanaṃ bhavissatīti attho. Udakamaṇikoti kucchiyaṃ maṇikamekhalāya evaṃ laddhanāmo bhājanaviseso. Ahārī aparihārīti udakaṃ na harati na pariharati, na pariyādiyatīti attho. Iti imasmiṃ sutte sakkaccadhammadesanāva kathitā. Buddhānañhi asakkaccadhammadesanā nāma natthi. Sīhasamānavuttino hi buddhā, yathā sīho pabhinnavaravāraṇassapi sasabiḷārādīnampi gahaṇatthāya ekasadisameva vegaṃ karoti, evaṃ buddhāpi ekassa desentāpi dvinnaṃ bahūnaṃ bhikkhuparisāya bhikkhuniupāsakaupāsikāparisāyapi titthiyānampi desentā sakkaccameva desenti. Catasso pana parisā saddahitvā okappetvā suṇantīti tāsaṃ desanā sakkaccadesanā nāma jātā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਖੇਤ੍ਤੂਪਮਸੁਤ੍ਤਂ • 7. Khettūpamasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਖੇਤ੍ਤੂਪਮਸੁਤ੍ਤવਣ੍ਣਨਾ • 7. Khettūpamasuttavaṇṇanā
