| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៧. ខេត្តូបមសុត្តវណ្ណនា
7. Khettūpamasuttavaṇṇanā
៣៥៩. ថទ្ធន្តិ កថិនំ លូខំ។ ឩសរន្តិ ឩសជាតំ។ ចតូហិបិ ឱឃេហិ អនភិភវនីយតាយ អហំ ទីបោ។ សព្ពបរិស្សយេហិ អនភិភវនីយតាយ អហំ លេណោ។ សព្ពទុក្ខបរិត្តាសនតោ តាយនដ្ឋេន អហំ តាណំ។ សព្ពភយហិំសនតោ អហំ សរណន្តិ យោជេតព្ពំ។
359.Thaddhanti kathinaṃ lūkhaṃ. Ūsaranti ūsajātaṃ. Catūhipi oghehi anabhibhavanīyatāya ahaṃ dīpo. Sabbaparissayehi anabhibhavanīyatāya ahaṃ leṇo. Sabbadukkhaparittāsanato tāyanaṭṭhena ahaṃ tāṇaṃ. Sabbabhayahiṃsanato ahaṃ saraṇanti yojetabbaṃ.
ឧទកមណិកោតិ មហន្តំ ឧទកភាជនំ។ ពហិ វិស្សន្ទនវសេន ឧទកំ ន ហរតីតិ អហារី, បរិតោ ន បគ្ឃរតីតិ អបរិហារី។ សក្កច្ចមេវ ទេសេន្តិ សទ្ធម្មគារវស្ស សព្ពសត្តេសុ មហាករុណាយ ច ពុទ្ធានំ សមានរសត្តា។ ចតស្សោ បន បរិសា សត្ថុគារវេន អត្តនោ ច សទ្ធាសម្បន្នតាយ សទ្ទហិត្វា ឱកប្បេត្វា សុណន្តិ, តស្មា តា ទេសនាផលេន យុជ្ជន្តិ។ កិច្ចសិទ្ធិយា សត្ថុ ទេសនា តត្ថ សក្កច្ចទេសនា នាម ជាតា។
Udakamaṇikoti mahantaṃ udakabhājanaṃ. Bahi vissandanavasena udakaṃ na haratīti ahārī, parito na paggharatīti aparihārī. Sakkaccameva desenti saddhammagāravassa sabbasattesu mahākaruṇāya ca buddhānaṃ samānarasattā. Catasso pana parisā satthugāravena attano ca saddhāsampannatāya saddahitvā okappetvā suṇanti, tasmā tā desanāphalena yujjanti. Kiccasiddhiyā satthu desanā tattha sakkaccadesanā nāma jātā.
ខេត្តូបមសុត្តវណ្ណនា និដ្ឋិតា។
Khettūpamasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៧. ខេត្តូបមសុត្តំ • 7. Khettūpamasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៧. ខេត្តូបមសុត្តវណ្ណនា • 7. Khettūpamasuttavaṇṇanā
