| Tipiṭaka / तिपिटक • Tipiṭaka / पेतवत्थुपाळि • Petavatthupāḷi |
॥ नमो तस्स भगवतो अरहतो सम्मासम्बुद्धस्स॥
Namo tassa bhagavato arahato sammāsambuddhassa
खुद्दकनिकाये
Khuddakanikāye
पेतवत्थुपाळि
Petavatthupāḷi
१. उरगवग्गो
1. Uragavaggo
१. खेत्तूपमपेतवत्थु
1. Khettūpamapetavatthu
१.
1.
‘‘खेत्तूपमा अरहन्तो, दायका कस्सकूपमा।
‘‘Khettūpamā arahanto, dāyakā kassakūpamā;
बीजूपमं देय्यधम्मं, एत्तो निब्बत्तते फलं॥
Bījūpamaṃ deyyadhammaṃ, etto nibbattate phalaṃ.
२.
2.
‘‘एतं बीजं कसि खेत्तं, पेतानं दायकस्स च।
‘‘Etaṃ bījaṃ kasi khettaṃ, petānaṃ dāyakassa ca;
तं पेता परिभुञ्जन्ति, दाता पुञ्ञेन वड्ढति॥
Taṃ petā paribhuñjanti, dātā puññena vaḍḍhati.
३.
3.
‘‘इधेव कुसलं कत्वा, पेते च पटिपूजिय।
‘‘Idheva kusalaṃ katvā, pete ca paṭipūjiya;
सग्गञ्च कमति 1 ट्ठानं, कम्मं कत्वान भद्दक’’न्ति॥
Saggañca kamati 2 ṭṭhānaṃ, kammaṃ katvāna bhaddaka’’nti.
खेत्तूपमपेतवत्थु पठमं।
Khettūpamapetavatthu paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / पेतवत्थु-अट्ठकथा • Petavatthu-aṭṭhakathā / १. खेत्तूपमपेतवत्थुवण्णना • 1. Khettūpamapetavatthuvaṇṇanā
