| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៩.ខយធម្មសុត្តំ
9.Khayadhammasuttaṃ
១៧៨. សាវត្ថិនិទានំ។ ឯកមន្តំ និសិន្នោ ខោ អាយស្មា រាធោ ភគវន្តំ ឯតទវោច – ‘‘‘ខយធម្មោ, ខយធម្មោ’តិ, ភន្តេ, វុច្ចតិ។ កតមោ នុ ខោ, ភន្តេ, ខយធម្មោ’’តិ? ‘‘រូបំ ខោ, រាធ, ខយធម្មោ, វេទនា ខយធម្មោ, សញ្ញា ខយធម្មោ, សង្ខារា ខយធម្មោ, វិញ្ញាណំ ខយធម្មោ។ ឯវំ បស្សំ…បេ.… នាបរំ ឥត្ថត្តាយាតិ បជានាតី’’តិ។ នវមំ។
178. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘‘khayadhammo, khayadhammo’ti, bhante, vuccati. Katamo nu kho, bhante, khayadhammo’’ti? ‘‘Rūpaṃ kho, rādha, khayadhammo, vedanā khayadhammo, saññā khayadhammo, saṅkhārā khayadhammo, viññāṇaṃ khayadhammo. Evaṃ passaṃ…pe… nāparaṃ itthattāyāti pajānātī’’ti. Navamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១-១២. មារសុត្តាទិវណ្ណនា • 1-12. Mārasuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១-១២. មារសុត្តាទិវណ្ណនា • 1-12. Mārasuttādivaṇṇanā
