| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒཔཱལི༹ • Paṭisambhidāmaggapāḷi |
༤༡. ཁནྟིཉཱཎནིདྡེསོ
41. Khantiñāṇaniddeso
༩༢. ཀཐཾ ཝིདིཏཏྟཱ པཉྙཱ ཁནྟིཉཱཎཾ? རཱུཔཾ ཨནིཙྩཏོ ཝིདིཏཾ , རཱུཔཾ དུཀྑཏོ ཝིདིཏཾ, རཱུཔཾ ཨནཏྟཏོ ཝིདིཏཾ། ཡཾ ཡཾ ཝིདིཏཾ ཏཾ ཏཾ ཁམཏཱིཏི – ཝིདིཏཏྟཱ པཉྙཱ ཁནྟིཉཱཎཾ། ཝེདནཱ…པེ॰… སཉྙཱ… སངྑཱརཱ… ཝིཉྙཱཎཾ… ཙཀྑུ…པེ॰… ཛརཱམརཎཾ ཨནིཙྩཏོ ཝིདིཏཾ, ཛརཱམརཎཾ དུཀྑཏོ ཝིདིཏཾ, ཛརཱམརཎཾ ཨནཏྟཏོ ཝིདིཏཾ། ཡཾ ཡཾ ཝིདིཏཾ ཏཾ ཏཾ ཁམཏཱིཏི – ཝིདིཏཏྟཱ པཉྙཱ ཁནྟིཉཱཎཾ། ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ། ཏེན ཝུཙྩཏི – ‘‘ཝིདིཏཏྟཱ པཉྙཱ ཁནྟིཉཱཎཾ’’།
92. Kathaṃ viditattā paññā khantiñāṇaṃ? Rūpaṃ aniccato viditaṃ , rūpaṃ dukkhato viditaṃ, rūpaṃ anattato viditaṃ. Yaṃ yaṃ viditaṃ taṃ taṃ khamatīti – viditattā paññā khantiñāṇaṃ. Vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ aniccato viditaṃ, jarāmaraṇaṃ dukkhato viditaṃ, jarāmaraṇaṃ anattato viditaṃ. Yaṃ yaṃ viditaṃ taṃ taṃ khamatīti – viditattā paññā khantiñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘viditattā paññā khantiñāṇaṃ’’.
ཁནྟིཉཱཎནིདྡེསོ ཨེཀཙཏྟཱལཱིསམོ།
Khantiñāṇaniddeso ekacattālīsamo.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā / ༤༡-༤༢. ཁནྟིཉཱཎཔརིཡོགཱཧཎཉཱཎནིདྡེསཝཎྞནཱ • 41-42. Khantiñāṇapariyogāhaṇañāṇaniddesavaṇṇanā
