| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā |
೧೦. ಖಣಿಕಕಥಾವಣ್ಣನಾ
10. Khaṇikakathāvaṇṇanā
೯೦೬-೯೦೭. ಪಥವಿಯಾದಿರೂಪೇಸೂತಿ ಅನೇಕಕಲಾಪಸಮುದಾಯಭೂತೇಸು ಸಸಮ್ಭಾರಪಥವೀಆದಿರೂಪೇಸು। ತತ್ಥ ಹಿ ಕೇಸುಚಿ ಪುರಿಮುಪ್ಪನ್ನೇಸು ಠಿತೇಸು ಕೇಸಞ್ಚಿ ತದಞ್ಞೇಸಂ ಉಪ್ಪಾದೋ, ತತೋ ಪುರಿಮನ್ತರುಪ್ಪನ್ನಾನಂ ಕೇಸಞ್ಚಿ ನಿರೋಧೋ ಹೋತಿ ಏಕೇಕಕಲಾಪರೂಪೇಸು ಸಮಾನುಪ್ಪಾದನಿರೋಧತ್ತಾ ತೇಸಂ। ಏವಂ ಪತಿಟ್ಠಾನನ್ತಿ ಏವಂ ವುತ್ತಪ್ಪಕಾರೇನ ಅಸಮಾನುಪ್ಪಾದನಿರೋಧೇನ ಪಬನ್ಧೇನ ಪತಿಟ್ಠಾನಪವತ್ತೀತಿ ಅತ್ಥೋ। ಸಾ ಪನಾಯಂ ಯಥಾವುತ್ತಾ ಪವತ್ತಿ ಕಸ್ಮಾ ರೂಪಸನ್ತತಿಯಾ ಏವಾತಿ ಆಹ ‘‘ನ ಹಿ ರೂಪಾನ’’ನ್ತಿಆದಿ। ತಸ್ಸತ್ಥೋ – ಯದಿ ಸಬ್ಬೇ ಸಙ್ಖತಧಮ್ಮಾ ಸಮಾನಕ್ಖಣಾ, ತಥಾ ಸತಿ ಅರೂಪಸನ್ತತಿಯಾ ವಿಯ ರೂಪಸನ್ತತಿಯಾಪಿ ಅನನ್ತರಾದಿಪಚ್ಚಯೇನ ವಿಧಿನಾ ಪವತ್ತಿ ಸಿಯಾ, ನ ಚೇತಂ ಅತ್ಥಿ। ಯದಿ ಸಿಯಾ, ಚಿತ್ತಕ್ಖಣೇ ಚಿತ್ತಕ್ಖಣೇ ಪಥವೀಆದೀನಂ ಉಪ್ಪಾದನಿರೋಧೇಹಿ ಭವಿತಬ್ಬನ್ತಿ।
906-907. Pathaviyādirūpesūti anekakalāpasamudāyabhūtesu sasambhārapathavīādirūpesu. Tattha hi kesuci purimuppannesu ṭhitesu kesañci tadaññesaṃ uppādo, tato purimantaruppannānaṃ kesañci nirodho hoti ekekakalāparūpesu samānuppādanirodhattā tesaṃ. Evaṃ patiṭṭhānanti evaṃ vuttappakārena asamānuppādanirodhena pabandhena patiṭṭhānapavattīti attho. Sā panāyaṃ yathāvuttā pavatti kasmā rūpasantatiyā evāti āha ‘‘na hi rūpāna’’ntiādi. Tassattho – yadi sabbe saṅkhatadhammā samānakkhaṇā, tathā sati arūpasantatiyā viya rūpasantatiyāpi anantarādipaccayena vidhinā pavatti siyā, na cetaṃ atthi. Yadi siyā, cittakkhaṇe cittakkhaṇe pathavīādīnaṃ uppādanirodhehi bhavitabbanti.
ಖಣಿಕಕಥಾವಣ್ಣನಾ ನಿಟ್ಠಿತಾ।
Khaṇikakathāvaṇṇanā niṭṭhitā.
ಬಾವೀಸತಿಮವಗ್ಗವಣ್ಣನಾ ನಿಟ್ಠಿತಾ।
Bāvīsatimavaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೨೧೭) ೧೦. ಖಣಿಕಕಥಾ • (217) 10. Khaṇikakathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧೦. ಖಣಿಕಕಥಾವಣ್ಣನಾ • 10. Khaṇikakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧೦. ಖಣಿಕಕಥಾವಣ್ಣನಾ • 10. Khaṇikakathāvaṇṇanā
