| Library / Tipiṭaka / తిపిటక • Tipiṭaka / పఞ్చపకరణ-అనుటీకా • Pañcapakaraṇa-anuṭīkā |
౧౦. ఖణికకథావణ్ణనా
10. Khaṇikakathāvaṇṇanā
౯౦౬-౯౦౭. పథవియాదిరూపేసూతి అనేకకలాపసముదాయభూతేసు ససమ్భారపథవీఆదిరూపేసు. తత్థ హి కేసుచి పురిముప్పన్నేసు ఠితేసు కేసఞ్చి తదఞ్ఞేసం ఉప్పాదో, తతో పురిమన్తరుప్పన్నానం కేసఞ్చి నిరోధో హోతి ఏకేకకలాపరూపేసు సమానుప్పాదనిరోధత్తా తేసం. ఏవం పతిట్ఠానన్తి ఏవం వుత్తప్పకారేన అసమానుప్పాదనిరోధేన పబన్ధేన పతిట్ఠానపవత్తీతి అత్థో. సా పనాయం యథావుత్తా పవత్తి కస్మా రూపసన్తతియా ఏవాతి ఆహ ‘‘న హి రూపాన’’న్తిఆది. తస్సత్థో – యది సబ్బే సఙ్ఖతధమ్మా సమానక్ఖణా, తథా సతి అరూపసన్తతియా వియ రూపసన్తతియాపి అనన్తరాదిపచ్చయేన విధినా పవత్తి సియా, న చేతం అత్థి. యది సియా, చిత్తక్ఖణే చిత్తక్ఖణే పథవీఆదీనం ఉప్పాదనిరోధేహి భవితబ్బన్తి.
906-907. Pathaviyādirūpesūti anekakalāpasamudāyabhūtesu sasambhārapathavīādirūpesu. Tattha hi kesuci purimuppannesu ṭhitesu kesañci tadaññesaṃ uppādo, tato purimantaruppannānaṃ kesañci nirodho hoti ekekakalāparūpesu samānuppādanirodhattā tesaṃ. Evaṃ patiṭṭhānanti evaṃ vuttappakārena asamānuppādanirodhena pabandhena patiṭṭhānapavattīti attho. Sā panāyaṃ yathāvuttā pavatti kasmā rūpasantatiyā evāti āha ‘‘na hi rūpāna’’ntiādi. Tassattho – yadi sabbe saṅkhatadhammā samānakkhaṇā, tathā sati arūpasantatiyā viya rūpasantatiyāpi anantarādipaccayena vidhinā pavatti siyā, na cetaṃ atthi. Yadi siyā, cittakkhaṇe cittakkhaṇe pathavīādīnaṃ uppādanirodhehi bhavitabbanti.
ఖణికకథావణ్ణనా నిట్ఠితా.
Khaṇikakathāvaṇṇanā niṭṭhitā.
బావీసతిమవగ్గవణ్ణనా నిట్ఠితా.
Bāvīsatimavaggavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౨౧౭) ౧౦. ఖణికకథా • (217) 10. Khaṇikakathā
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౧౦. ఖణికకథావణ్ణనా • 10. Khaṇikakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౧౦. ఖణికకథావణ్ణనా • 10. Khaṇikakathāvaṇṇanā
