| Library / Tipiṭaka / तिपिटक • Tipiṭaka / पञ्चपकरण-अनुटीका • Pañcapakaraṇa-anuṭīkā |
१०. खणिककथावण्णना
10. Khaṇikakathāvaṇṇanā
९०६-९०७. पथवियादिरूपेसूति अनेककलापसमुदायभूतेसु ससम्भारपथवीआदिरूपेसु। तत्थ हि केसुचि पुरिमुप्पन्नेसु ठितेसु केसञ्चि तदञ्ञेसं उप्पादो, ततो पुरिमन्तरुप्पन्नानं केसञ्चि निरोधो होति एकेककलापरूपेसु समानुप्पादनिरोधत्ता तेसं। एवं पतिट्ठानन्ति एवं वुत्तप्पकारेन असमानुप्पादनिरोधेन पबन्धेन पतिट्ठानपवत्तीति अत्थो। सा पनायं यथावुत्ता पवत्ति कस्मा रूपसन्ततिया एवाति आह ‘‘न हि रूपान’’न्तिआदि। तस्सत्थो – यदि सब्बे सङ्खतधम्मा समानक्खणा, तथा सति अरूपसन्ततिया विय रूपसन्ततियापि अनन्तरादिपच्चयेन विधिना पवत्ति सिया, न चेतं अत्थि। यदि सिया, चित्तक्खणे चित्तक्खणे पथवीआदीनं उप्पादनिरोधेहि भवितब्बन्ति।
906-907. Pathaviyādirūpesūti anekakalāpasamudāyabhūtesu sasambhārapathavīādirūpesu. Tattha hi kesuci purimuppannesu ṭhitesu kesañci tadaññesaṃ uppādo, tato purimantaruppannānaṃ kesañci nirodho hoti ekekakalāparūpesu samānuppādanirodhattā tesaṃ. Evaṃ patiṭṭhānanti evaṃ vuttappakārena asamānuppādanirodhena pabandhena patiṭṭhānapavattīti attho. Sā panāyaṃ yathāvuttā pavatti kasmā rūpasantatiyā evāti āha ‘‘na hi rūpāna’’ntiādi. Tassattho – yadi sabbe saṅkhatadhammā samānakkhaṇā, tathā sati arūpasantatiyā viya rūpasantatiyāpi anantarādipaccayena vidhinā pavatti siyā, na cetaṃ atthi. Yadi siyā, cittakkhaṇe cittakkhaṇe pathavīādīnaṃ uppādanirodhehi bhavitabbanti.
खणिककथावण्णना निट्ठिता।
Khaṇikakathāvaṇṇanā niṭṭhitā.
बावीसतिमवग्गवण्णना निट्ठिता।
Bāvīsatimavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (२१७) १०. खणिककथा • (217) 10. Khaṇikakathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / १०. खणिककथावण्णना • 10. Khaṇikakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / १०. खणिककथावण्णना • 10. Khaṇikakathāvaṇṇanā
