| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៦. ខន្ធសុត្តវណ្ណនា
6. Khandhasuttavaṇṇanā
៤៨. ឆដ្ឋេ រូបក្ខន្ធោ កាមាវចរោ, ចត្តារោ ខន្ធា ចតុភូមកា។ សាសវន្តិ អាសវានំ អារម្មណភាវេន បច្ចយភូតំ។ ឧបាទានិយន្តិ តថេវ ច ឧបាទានានំ បច្ចយភូតំ។ វចនត្ថោ បនេត្ថ – អារម្មណំ កត្វា បវត្តេហិ សហ អាសវេហីតិ សាសវំ។ ឧបាទាតព្ពន្តិ ឧបាទានិយំ។ ឥធាបិ រូបក្ខន្ធោ កាមាវចរោ, អវសេសា តេភូមកា វិបស្សនាចារវសេន វុត្តា។ ឯវមេត្ថ រូបំ រាសដ្ឋេន ខន្ធេសុ បវិដ្ឋំ, សាសវរាសដ្ឋេន ឧបាទានក្ខន្ធេសុ។ វេទនាទយោ សាសវាបិ អត្ថិ, អនាសវាបិ អត្ថិ។ តេ រាសដ្ឋេន សព្ពេបិ ខន្ធេសុ បវិដ្ឋា, តេភូមកា បនេត្ថ សាសវដ្ឋេន ឧបាទានក្ខន្ធេសុ បវិដ្ឋាតិ។ ឆដ្ឋំ។
48. Chaṭṭhe rūpakkhandho kāmāvacaro, cattāro khandhā catubhūmakā. Sāsavanti āsavānaṃ ārammaṇabhāvena paccayabhūtaṃ. Upādāniyanti tatheva ca upādānānaṃ paccayabhūtaṃ. Vacanattho panettha – ārammaṇaṃ katvā pavattehi saha āsavehīti sāsavaṃ. Upādātabbanti upādāniyaṃ. Idhāpi rūpakkhandho kāmāvacaro, avasesā tebhūmakā vipassanācāravasena vuttā. Evamettha rūpaṃ rāsaṭṭhena khandhesu paviṭṭhaṃ, sāsavarāsaṭṭhena upādānakkhandhesu. Vedanādayo sāsavāpi atthi, anāsavāpi atthi. Te rāsaṭṭhena sabbepi khandhesu paviṭṭhā, tebhūmakā panettha sāsavaṭṭhena upādānakkhandhesu paviṭṭhāti. Chaṭṭhaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៦. ខន្ធសុត្តំ • 6. Khandhasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៦. ខន្ធសុត្តវណ្ណនា • 6. Khandhasuttavaṇṇanā
