| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༠. ཁནྡྷསུཏྟཾ
10. Khandhasuttaṃ
༣༢༡. སཱཝཏྠིནིདཱནཾ ། ‘‘ཡོ ཁོ, བྷིཀྑཝེ, རཱུཔསྶ ཨུཔྤཱདོ ཋིཏི ཨབྷིནིབྦཏྟི པཱཏུབྷཱཝོ, དུཀྑསྶེསོ ཨུཔྤཱདོ, རོགཱནཾ ཋིཏི, ཛརཱམརཎསྶ པཱཏུབྷཱཝོ། ཡོ ཝེདནཱཡ… ཡོ སཉྙཱཡ… ཡོ སངྑཱརཱནཾ… ཡོ ཝིཉྙཱཎསྶ ཨུཔྤཱདོ ཋིཏི ཨབྷིནིབྦཏྟི པཱཏུབྷཱཝོ, དུཀྑསྶེསོ ཨུཔྤཱདོ, རོགཱནཾ ཋིཏི, ཛརཱམརཎསྶ པཱཏུབྷཱཝོ། ཡོ ཙ ཁོ, བྷིཀྑཝེ, རཱུཔསྶ ནིརོདྷོ ཝཱུཔསམོ ཨཏྠངྒམོ, དུཀྑསྶེསོ ནིརོདྷོ, རོགཱནཾ ཝཱུཔསམོ, ཛརཱམརཎསྶ ཨཏྠངྒམོ། ཡོ ཝེདནཱཡ… ཡོ སཉྙཱཡ… ཡོ སངྑཱརཱནཾ… ཡོ ཝིཉྙཱཎསྶ ནིརོདྷོ ཝཱུཔསམོ ཨཏྠངྒམོ, དུཀྑསྶེསོ ནིརོདྷོ, རོགཱནཾ ཝཱུཔསམོ, ཛརཱམརཎསྶ ཨཏྠངྒམོ’’ཏི། དསམཾ།
321. Sāvatthinidānaṃ . ‘‘Yo kho, bhikkhave, rūpassa uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo vedanāya… yo saññāya… yo saṅkhārānaṃ… yo viññāṇassa uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo ca kho, bhikkhave, rūpassa nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo. Yo vedanāya… yo saññāya… yo saṅkhārānaṃ… yo viññāṇassa nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo’’ti. Dasamaṃ.
ཨུཔྤཱདསཾཡུཏྟཾ སམཏྟཾ།
Uppādasaṃyuttaṃ samattaṃ.
ཏསྶུདྡཱནཾ –
Tassuddānaṃ –
ཙཀྑུ རཱུཔཉྩ ཝིཉྙཱཎཾ, ཕསྶོ ཙ ཝེདནཱཡ ཙ།
Cakkhu rūpañca viññāṇaṃ, phasso ca vedanāya ca;
སཉྙཱ ཙ ཙེཏནཱ ཏཎྷཱ, དྷཱཏུ ཁནྡྷེན ཏེ དསཱཏི༎
Saññā ca cetanā taṇhā, dhātu khandhena te dasāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. ཨུཔྤཱདསཾཡུཏྟཝཎྞནཱ • 5. Uppādasaṃyuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༥. ཨུཔྤཱདསཾཡུཏྟཝཎྞནཱ • 5. Uppādasaṃyuttavaṇṇanā
