| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૦. ખન્ધસુત્તં
10. Khandhasuttaṃ
૩૩૧. સાવત્થિનિદાનં. ‘‘યો, ભિક્ખવે, રૂપસ્મિં છન્દરાગો, ચિત્તસ્સેસો ઉપક્કિલેસો…પે॰… યો વિઞ્ઞાણસ્મિં છન્દરાગો, ચિત્તસ્સેસો ઉપક્કિલેસો. યતો ખો, ભિક્ખવે, ભિક્ખુનો ઇમેસુ પઞ્ચસુ ઠાનેસુ ચેતસો ઉપક્કિલેસો પહીનો હોતિ, નેક્ખમ્મનિન્નઞ્ચસ્સ ચિત્તં હોતિ. નેક્ખમ્મપરિભાવિતં ચિત્તં કમ્મનિયં ખાયતિ, અભિઞ્ઞા સચ્છિકરણીયેસુ ધમ્મેસૂ’’તિ. દસમં.
331. Sāvatthinidānaṃ. ‘‘Yo, bhikkhave, rūpasmiṃ chandarāgo, cittasseso upakkileso…pe… yo viññāṇasmiṃ chandarāgo, cittasseso upakkileso. Yato kho, bhikkhave, bhikkhuno imesu pañcasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Dasamaṃ.
કિલેસસંયુત્તં સમત્તં.
Kilesasaṃyuttaṃ samattaṃ.
તસ્સુદ્દાનં –
Tassuddānaṃ –
ચક્ખુ રૂપઞ્ચ વિઞ્ઞાણં, ફસ્સો ચ વેદનાય ચ;
Cakkhu rūpañca viññāṇaṃ, phasso ca vedanāya ca;
સઞ્ઞા ચ ચેતના તણ્હા, ધાતુ ખન્ધેન તે દસાતિ.
Saññā ca cetanā taṇhā, dhātu khandhena te dasāti.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૬. કિલેસસંયુત્તવણ્ણના • 6. Kilesasaṃyuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૬. કિલેસસંયુત્તવણ્ણના • 6. Kilesasaṃyuttavaṇṇanā
