| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. খন্ধসুত্তং
10. Khandhasuttaṃ
৩৩১. সাৰত্থিনিদানং। ‘‘যো, ভিক্খৰে, রূপস্মিং ছন্দরাগো, চিত্তস্সেসো উপক্কিলেসো…পে॰… যো ৰিঞ্ঞাণস্মিং ছন্দরাগো, চিত্তস্সেসো উপক্কিলেসো। যতো খো, ভিক্খৰে, ভিক্খুনো ইমেসু পঞ্চসু ঠানেসু চেতসো উপক্কিলেসো পহীনো হোতি, নেক্খম্মনিন্নঞ্চস্স চিত্তং হোতি। নেক্খম্মপরিভাৰিতং চিত্তং কম্মনিযং খাযতি, অভিঞ্ঞা সচ্ছিকরণীযেসু ধম্মেসূ’’তি। দসমং।
331. Sāvatthinidānaṃ. ‘‘Yo, bhikkhave, rūpasmiṃ chandarāgo, cittasseso upakkileso…pe… yo viññāṇasmiṃ chandarāgo, cittasseso upakkileso. Yato kho, bhikkhave, bhikkhuno imesu pañcasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Dasamaṃ.
কিলেসসংযুত্তং সমত্তং।
Kilesasaṃyuttaṃ samattaṃ.
তস্সুদ্দানং –
Tassuddānaṃ –
চক্খু রূপঞ্চ ৰিঞ্ঞাণং, ফস্সো চ ৰেদনায চ।
Cakkhu rūpañca viññāṇaṃ, phasso ca vedanāya ca;
সঞ্ঞা চ চেতনা তণ্হা, ধাতু খন্ধেন তে দসাতি॥
Saññā ca cetanā taṇhā, dhātu khandhena te dasāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬. কিলেসসংযুত্তৰণ্ণনা • 6. Kilesasaṃyuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৬. কিলেসসংযুত্তৰণ্ণনা • 6. Kilesasaṃyuttavaṇṇanā
