| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. খন্ধসুত্তং
10. Khandhasuttaṃ
৩২১. সাৰত্থিনিদানং । ‘‘যো খো, ভিক্খৰে, রূপস্স উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো। যো ৰেদনায… যো সঞ্ঞায… যো সঙ্খারানং… যো ৰিঞ্ঞাণস্স উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো। যো চ খো, ভিক্খৰে, রূপস্স নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো। যো ৰেদনায… যো সঞ্ঞায… যো সঙ্খারানং… যো ৰিঞ্ঞাণস্স নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো’’তি। দসমং।
321. Sāvatthinidānaṃ . ‘‘Yo kho, bhikkhave, rūpassa uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo vedanāya… yo saññāya… yo saṅkhārānaṃ… yo viññāṇassa uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo ca kho, bhikkhave, rūpassa nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo. Yo vedanāya… yo saññāya… yo saṅkhārānaṃ… yo viññāṇassa nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo’’ti. Dasamaṃ.
উপ্পাদসংযুত্তং সমত্তং।
Uppādasaṃyuttaṃ samattaṃ.
তস্সুদ্দানং –
Tassuddānaṃ –
চক্খু রূপঞ্চ ৰিঞ্ঞাণং, ফস্সো চ ৰেদনায চ।
Cakkhu rūpañca viññāṇaṃ, phasso ca vedanāya ca;
সঞ্ঞা চ চেতনা তণ্হা, ধাতু খন্ধেন তে দসাতি॥
Saññā ca cetanā taṇhā, dhātu khandhena te dasāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. উপ্পাদসংযুত্তৰণ্ণনা • 5. Uppādasaṃyuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৫. উপ্পাদসংযুত্তৰণ্ণনা • 5. Uppādasaṃyuttavaṇṇanā
