| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. খন্ধসুত্তং
10. Khandhasuttaṃ
১৯৭. সাৰত্থিযং ৰিহরতি…পে॰… ‘‘তং কিং মঞ্ঞসি, রাহুল, রূপং নিচ্চং ৰা অনিচ্চং ৰা’’তি? ‘‘অনিচ্চং, ভন্তে’’…পে॰… ‘‘ৰেদনা…পে॰… সঞ্ঞা… সঙ্খারা… ৰিঞ্ঞাণং নিচ্চং ৰা অনিচ্চং ৰা’’তি? ‘‘অনিচ্চং, ভন্তে’’…পে॰… ‘‘এৰং পস্সং, রাহুল, সুতৰা অরিযসাৰকো রূপস্মিম্পি নিব্বিন্দতি…পে॰… ৰেদনাযপি নিব্বিন্দতি… সঞ্ঞাযপি নিব্বিন্দতি… সঙ্খারেসুপি নিব্বিন্দতি… ৰিঞ্ঞাণস্মিম্পি নিব্বিন্দতি; নিব্বিন্দং ৰিরজ্জতি ; ৰিরাগা ৰিমুচ্চতি; ৰিমুত্তস্মিং ৰিমুত্তমিতি ঞাণং হোতি। ‘খীণা জাতি, ৰুসিতং ব্রহ্মচরিযং, কতং করণীযং, নাপরং ইত্থত্তাযা’তি পজানাতী’’তি। দসমং।
197. Sāvatthiyaṃ viharati…pe… ‘‘taṃ kiṃ maññasi, rāhula, rūpaṃ niccaṃ vā aniccaṃ vā’’ti? ‘‘Aniccaṃ, bhante’’…pe… ‘‘vedanā…pe… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’…pe… ‘‘evaṃ passaṃ, rāhula, sutavā ariyasāvako rūpasmimpi nibbindati…pe… vedanāyapi nibbindati… saññāyapi nibbindati… saṅkhāresupi nibbindati… viññāṇasmimpi nibbindati; nibbindaṃ virajjati ; virāgā vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Dasamaṃ.
পঠমো ৰগ্গো।
Paṭhamo vaggo.
তস্সুদ্দানং –
Tassuddānaṃ –
চক্খু রূপঞ্চ ৰিঞ্ঞাণং, সম্ফস্সো ৰেদনায চ।
Cakkhu rūpañca viññāṇaṃ, samphasso vedanāya ca;
সঞ্ঞা সঞ্চেতনা তণ্হা, ধাতু খন্ধেন তে দসাতি॥
Saññā sañcetanā taṇhā, dhātu khandhena te dasāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. খন্ধসুত্তৰণ্ণনা • 10. Khandhasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১০. খন্ধসুত্তৰণ্ণনা • 10. Khandhasuttavaṇṇanā
