| Library / Tipiṭaka / തിപിടക • Tipiṭaka / പടിസമ്ഭിദാമഗ്ഗപാളി • Paṭisambhidāmaggapāḷi |
൬. ഖന്ധാദിവാരോ
6. Khandhādivāro
൩൫. ‘‘‘യാവതാ ഖന്ധാനം ഖന്ധട്ഠോ, ഞാതോ ദിട്ഠോ വിദിതോ സച്ഛികതോ ഫസ്സിതോ പഞ്ഞായ. അഫസ്സിതോ പഞ്ഞായ ഖന്ധട്ഠോ നത്ഥീ’തി – ചക്ഖും ഉദപാദി, ഞാണം ഉദപാദി, പഞ്ഞാ ഉദപാദി, വിജ്ജാ ഉദപാദി, ആലോകോ ഉദപാദി’’. ഖന്ധാനം ഖന്ധട്ഠേ പഞ്ചവീസതി ധമ്മാ, പഞ്ചവീസതി അത്ഥാ, പഞ്ഞാസ നിരുത്തിയോ, സതം ഞാണാനി.
35. ‘‘‘Yāvatā khandhānaṃ khandhaṭṭho, ñāto diṭṭho vidito sacchikato phassito paññāya. Aphassito paññāya khandhaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Khandhānaṃ khandhaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘യാവതാ ധാതൂനം ധാതുട്ഠോ…പേ॰… യാവതാ ആയതനാനം ആയതനട്ഠോ…പേ॰… യാവതാ സങ്ഖതാനം സങ്ഖതട്ഠോ…പേ॰… യാവതാ അസങ്ഖതസ്സ അസങ്ഖതട്ഠോ ഞാതോ ദിട്ഠോ വിദിതോ സച്ഛികതോ ഫസ്സിതോ പഞ്ഞായ. അഫസ്സിതോ പഞ്ഞായ അസങ്ഖതട്ഠോ നത്ഥീ’തി – ചക്ഖും ഉദപാദി…പേ॰… ആലോകോ ഉദപാദി’’. അസങ്ഖതസ്സ അസങ്ഖതട്ഠേ പഞ്ചവീസതി ധമ്മാ, പഞ്ചവീസതി അത്ഥാ, പഞ്ഞാസ നിരുത്തിയോ, സതം ഞാണാനി.
‘‘‘Yāvatā dhātūnaṃ dhātuṭṭho…pe… yāvatā āyatanānaṃ āyatanaṭṭho…pe… yāvatā saṅkhatānaṃ saṅkhataṭṭho…pe… yāvatā asaṅkhatassa asaṅkhataṭṭho ñāto diṭṭho vidito sacchikato phassito paññāya. Aphassito paññāya asaṅkhataṭṭho natthī’ti – cakkhuṃ udapādi…pe… āloko udapādi’’. Asaṅkhatassa asaṅkhataṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
ഖന്ധാനം ഖന്ധട്ഠേ, ധാതൂനം ധാതുട്ഠേ, ആയതനാനം ആയതനട്ഠേ സങ്ഖതാനം സങ്ഖതട്ഠേ, അസങ്ഖതസ്സ അസങ്ഖതട്ഠേ പഞ്ചവീസതിസതം ധമ്മാ, പഞ്ചവീസതിസതം അത്ഥാ, അഡ്ഢതേയ്യാനി നിരുത്തിസതാനി, പഞ്ച ഞാണസതാനി.
Khandhānaṃ khandhaṭṭhe, dhātūnaṃ dhātuṭṭhe, āyatanānaṃ āyatanaṭṭhe saṅkhatānaṃ saṅkhataṭṭhe, asaṅkhatassa asaṅkhataṭṭhe pañcavīsatisataṃ dhammā, pañcavīsatisataṃ atthā, aḍḍhateyyāni niruttisatāni, pañca ñāṇasatāni.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / പടിസമ്ഭിദാമഗ്ഗ-അട്ഠകഥാ • Paṭisambhidāmagga-aṭṭhakathā / ൪-൮. സത്തബോധിസത്തവാരാദിവണ്ണനാ • 4-8. Sattabodhisattavārādivaṇṇanā
