| Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi |
৬. খন্ধাদিৰারো
6. Khandhādivāro
৩৫. ‘‘‘যাৰতা খন্ধানং খন্ধট্ঠো, ঞাতো দিট্ঠো ৰিদিতো সচ্ছিকতো ফস্সিতো পঞ্ঞায। অফস্সিতো পঞ্ঞায খন্ধট্ঠো নত্থী’তি – চক্খুং উদপাদি, ঞাণং উদপাদি, পঞ্ঞা উদপাদি, ৰিজ্জা উদপাদি, আলোকো উদপাদি’’। খন্ধানং খন্ধট্ঠে পঞ্চৰীসতি ধম্মা, পঞ্চৰীসতি অত্থা, পঞ্ঞাস নিরুত্তিযো, সতং ঞাণানি।
35. ‘‘‘Yāvatā khandhānaṃ khandhaṭṭho, ñāto diṭṭho vidito sacchikato phassito paññāya. Aphassito paññāya khandhaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Khandhānaṃ khandhaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘যাৰতা ধাতূনং ধাতুট্ঠো…পে॰… যাৰতা আযতনানং আযতনট্ঠো…পে॰… যাৰতা সঙ্খতানং সঙ্খতট্ঠো…পে॰… যাৰতা অসঙ্খতস্স অসঙ্খতট্ঠো ঞাতো দিট্ঠো ৰিদিতো সচ্ছিকতো ফস্সিতো পঞ্ঞায। অফস্সিতো পঞ্ঞায অসঙ্খতট্ঠো নত্থী’তি – চক্খুং উদপাদি…পে॰… আলোকো উদপাদি’’। অসঙ্খতস্স অসঙ্খতট্ঠে পঞ্চৰীসতি ধম্মা, পঞ্চৰীসতি অত্থা, পঞ্ঞাস নিরুত্তিযো, সতং ঞাণানি।
‘‘‘Yāvatā dhātūnaṃ dhātuṭṭho…pe… yāvatā āyatanānaṃ āyatanaṭṭho…pe… yāvatā saṅkhatānaṃ saṅkhataṭṭho…pe… yāvatā asaṅkhatassa asaṅkhataṭṭho ñāto diṭṭho vidito sacchikato phassito paññāya. Aphassito paññāya asaṅkhataṭṭho natthī’ti – cakkhuṃ udapādi…pe… āloko udapādi’’. Asaṅkhatassa asaṅkhataṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
খন্ধানং খন্ধট্ঠে, ধাতূনং ধাতুট্ঠে, আযতনানং আযতনট্ঠে সঙ্খতানং সঙ্খতট্ঠে, অসঙ্খতস্স অসঙ্খতট্ঠে পঞ্চৰীসতিসতং ধম্মা, পঞ্চৰীসতিসতং অত্থা, অড্ঢতেয্যানি নিরুত্তিসতানি, পঞ্চ ঞাণসতানি।
Khandhānaṃ khandhaṭṭhe, dhātūnaṃ dhātuṭṭhe, āyatanānaṃ āyatanaṭṭhe saṅkhatānaṃ saṅkhataṭṭhe, asaṅkhatassa asaṅkhataṭṭhe pañcavīsatisataṃ dhammā, pañcavīsatisataṃ atthā, aḍḍhateyyāni niruttisatāni, pañca ñāṇasatāni.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā / ৪-৮. সত্তবোধিসত্তৰারাদিৰণ্ণনা • 4-8. Sattabodhisattavārādivaṇṇanā
