| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
២០៣. ខណ្ឌជាតកំ (២-៦-៣)
203. Khaṇḍajātakaṃ (2-6-3)
១០៥.
105.
វិរូបក្ខេហិ មេ មេត្តំ, មេត្តំ ឯរាបថេហិ មេ;
Virūpakkhehi me mettaṃ, mettaṃ erāpathehi me;
ឆព្យាបុត្តេហិ មេ មេត្តំ, មេត្តំ កណ្ហាគោតមកេហិ ច។
Chabyāputtehi me mettaṃ, mettaṃ kaṇhāgotamakehi ca.
អបាទកេហិ មេ មេត្តំ, មេត្តំ ទ្វិបាទកេហិ មេ;
Apādakehi me mettaṃ, mettaṃ dvipādakehi me;
ចតុប្បទេហិ មេ មេត្តំ, មេត្តំ ពហុប្បទេហិ មេ។
Catuppadehi me mettaṃ, mettaṃ bahuppadehi me.
មា មំ អបាទកោ ហិំសិ, មា មំ ហិំសិ ទ្វិបាទកោ;
Mā maṃ apādako hiṃsi, mā maṃ hiṃsi dvipādako;
មា មំ ចតុប្បទោ ហិំសិ, មា មំ ហិំសិ ពហុប្បទោ។
Mā maṃ catuppado hiṃsi, mā maṃ hiṃsi bahuppado.
សព្ពេ សត្តា សព្ពេ បាណា, សព្ពេ ភូតា ច កេវលា;
Sabbe sattā sabbe pāṇā, sabbe bhūtā ca kevalā;
១០៦.
106.
អប្បមាណោ ពុទ្ធោ, អប្បមាណោ ធម្មោ;
Appamāṇo buddho, appamāṇo dhammo;
កតា មេ រក្ខា កតា មេ បរិត្តា, បដិក្កមន្តុ ភូតានិ;
Katā me rakkhā katā me parittā, paṭikkamantu bhūtāni;
សោហំ នមោ ភគវតោ, នមោ សត្តន្នំ សម្មាសម្ពុទ្ធានន្តិ។
Sohaṃ namo bhagavato, namo sattannaṃ sammāsambuddhānanti.
ខណ្ឌជាតកំ តតិយំ។
Khaṇḍajātakaṃ tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [២០៣] ៣. ខន្ធជាតកវណ្ណនា • [203] 3. Khandhajātakavaṇṇanā
