| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
২০৩. খণ্ডজাতকং (২-৬-৩)
203. Khaṇḍajātakaṃ (2-6-3)
১০৫.
105.
ৰিরূপক্খেহি মে মেত্তং, মেত্তং এরাপথেহি মে।
Virūpakkhehi me mettaṃ, mettaṃ erāpathehi me;
ছব্যাপুত্তেহি মে মেত্তং, মেত্তং কণ্হাগোতমকেহি চ॥
Chabyāputtehi me mettaṃ, mettaṃ kaṇhāgotamakehi ca.
অপাদকেহি মে মেত্তং, মেত্তং দ্ৰিপাদকেহি মে।
Apādakehi me mettaṃ, mettaṃ dvipādakehi me;
চতুপ্পদেহি মে মেত্তং, মেত্তং বহুপ্পদেহি মে॥
Catuppadehi me mettaṃ, mettaṃ bahuppadehi me.
মা মং অপাদকো হিংসি, মা মং হিংসি দ্ৰিপাদকো।
Mā maṃ apādako hiṃsi, mā maṃ hiṃsi dvipādako;
মা মং চতুপ্পদো হিংসি, মা মং হিংসি বহুপ্পদো॥
Mā maṃ catuppado hiṃsi, mā maṃ hiṃsi bahuppado.
সব্বে সত্তা সব্বে পাণা, সব্বে ভূতা চ কেৰলা।
Sabbe sattā sabbe pāṇā, sabbe bhūtā ca kevalā;
১০৬.
106.
অপ্পমাণো বুদ্ধো, অপ্পমাণো ধম্মো।
Appamāṇo buddho, appamāṇo dhammo;
কতা মে রক্খা কতা মে পরিত্তা, পটিক্কমন্তু ভূতানি।
Katā me rakkhā katā me parittā, paṭikkamantu bhūtāni;
সোহং নমো ভগৰতো, নমো সত্তন্নং সম্মাসম্বুদ্ধানন্তি॥
Sohaṃ namo bhagavato, namo sattannaṃ sammāsambuddhānanti.
খণ্ডজাতকং ততিযং।
Khaṇḍajātakaṃ tatiyaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [২০৩] ৩. খন্ধজাতকৰণ্ণনা • [203] 3. Khandhajātakavaṇṇanā
