| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
၃. ခမ္ဘကတဝဂ္ဂဝဏ္ဏနာ
3. Khambhakatavaggavaṇṇanā
၆၀၃. ပတ္တေ ဂဟဏသညာ အသ္သ အတ္ထီတိ ပတ္တသညီတိ ဣမမတ္ထံ ဒသ္သေတုံ ‘‘ပတ္တေ သညံ ကတ္ဝာ’’တိ ဝုတ္တံ။
603. Patte gahaṇasaññā assa atthīti pattasaññīti imamatthaṃ dassetuṃ ‘‘patte saññaṃ katvā’’ti vuttaṃ.
၆၀၄. ဩလောဏီတိ ဧကာ ဗ္ယဉ္ဇနဝိကတိ။ ကဉ္ဇိကတက္ကာဒိရသောတိ ကေစိ။ မံသရသာဒီနီတိ အာဒိ-သဒ္ဒေန အဝသေသာ သဗ္ဗာပိ ဗ္ယဉ္ဇနဝိကတိ သင္ဂဟိတာ။
604.Oloṇīti ekā byañjanavikati. Kañjikatakkādirasoti keci. Maṃsarasādīnīti ādi-saddena avasesā sabbāpi byañjanavikati saṅgahitā.
၆၀၅. သမဘရိတန္တိ ရစိတံ။ ဟေဋ္ဌာ ဩရောဟတီတိ သမန္တာ ဩကာသသမ္ဘဝတော ဟတ္ထေန သမံ ကရိယမာနံ ဟေဋ္ဌာ ဘသ္သတိ။ ပတ္တမတ္ထကေ ဌပိတာနိ ပူဝာနိ ဧဝ ဝဋံသကာကာရေန ဌပိတတ္တာ ‘‘ပူဝဝဋံသက’’န္တိ ဝုတ္တာနိ။ ကေစိ ပန ‘‘ပတ္တံ ဂဟေတ္ဝာ ထူပီကတံ ပိဏ္ဍပာတံ ရစိတ္ဝာ ဒိယ္ယမာနမေဝ ဂဏ္ဟတော အာပတ္တိ, ဟတ္ထဂတေ ဧဝ ပန ပတ္တေ ဒိယ္ယမာနေ ထူပီကတမ္ပိ ဂဟေတုံ ဝဋ္ဋတီ’’တိ ဝဒန္တိ, တံ န ဂဟေတဗ္ဗမေဝ ‘‘သမတိတ္တိက’’န္တိ ဘာဝနပုံသကဝသေန သာမညတော ဝုတ္တတ္တာ။
605.Samabharitanti racitaṃ. Heṭṭhā orohatīti samantā okāsasambhavato hatthena samaṃ kariyamānaṃ heṭṭhā bhassati. Pattamatthake ṭhapitāni pūvāni eva vaṭaṃsakākārena ṭhapitattā ‘‘pūvavaṭaṃsaka’’nti vuttāni. Keci pana ‘‘pattaṃ gahetvā thūpīkataṃ piṇḍapātaṃ racitvā diyyamānameva gaṇhato āpatti, hatthagate eva pana patte diyyamāne thūpīkatampi gahetuṃ vaṭṭatī’’ti vadanti, taṃ na gahetabbameva ‘‘samatittika’’nti bhāvanapuṃsakavasena sāmaññato vuttattā.
ခမ္ဘကတဝဂ္ဂဝဏ္ဏနာ နိဋ္ဌိတာ။
Khambhakatavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၃. ခမ္ဘကတဝဂ္ဂော • 3. Khambhakatavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၃. ခမ္ဘကတဝဂ္ဂဝဏ္ဏနာ • 3. Khambhakatavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၃. ခမ္ဘကတဝဂ္ဂဝဏ္ဏနာ • 3. Khambhakatavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၃. ခမ္ဘကတဝဂ္ဂဝဏ္ဏနာ • 3. Khambhakatavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၃. ခမ္ဘကတဝဂ္ဂ-အတ္ထယောဇနာ • 3. Khambhakatavagga-atthayojanā
