| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. кад̣̇ирабад̇д̇асуд̇д̇ам̣
2. Khadirapattasuttaṃ
1102. ‘‘яо, бхигкавз, звам̣ вад̣̇зяяа – ‘ахам̣ д̣̇угкам̣ арияасажжам̣ яат̇аабхууд̇ам̣ анабхисамзжжа, д̣̇угкасамуд̣̇аяам̣ арияасажжам̣ яат̇аабхууд̇ам̣ анабхисамзжжа, д̣̇угканирод̇хам̣ арияасажжам̣ яат̇аабхууд̇ам̣ анабхисамзжжа, д̣̇угканирод̇хаг̇ааминим̣ бадибад̣̇ам̣ арияасажжам̣ яат̇аабхууд̇ам̣ анабхисамзжжа саммаа д̣̇угкассанд̇ам̣ гариссаамий’д̇и – нзд̇ам̣ таанам̣ виж̇ж̇ад̇и.
1102. ‘‘Yo, bhikkhave, evaṃ vadeyya – ‘ahaṃ dukkhaṃ ariyasaccaṃ yathābhūtaṃ anabhisamecca, dukkhasamudayaṃ ariyasaccaṃ yathābhūtaṃ anabhisamecca, dukkhanirodhaṃ ariyasaccaṃ yathābhūtaṃ anabhisamecca, dukkhanirodhagāminiṃ paṭipadaṃ ariyasaccaṃ yathābhūtaṃ anabhisamecca sammā dukkhassantaṃ karissāmī’ti – netaṃ ṭhānaṃ vijjati.
‘‘сзяяат̇ааби , бхигкавз, яо звам̣ вад̣̇зяяа – ‘ахам̣ кад̣̇ирабад̇д̇аанам̣ ваа саралабад̇д̇аанам̣ 1 ваа аамалагабад̇д̇аанам̣ ваа будам̣ гарид̇ваа уд̣̇агам̣ ваа д̇аалабад̇д̇ам̣ ваа аахариссаамий’д̇и – нзд̇ам̣ таанам̣ виж̇ж̇ад̇и; звамзва ко, бхигкавз, яо звам̣ вад̣̇зяяа – ‘ахам̣ д̣̇угкам̣ арияасажжам̣ яат̇аабхууд̇ам̣ анабхисамзжжа…бз… д̣̇угканирод̇хаг̇ааминим̣ бадибад̣̇ам̣ арияасажжам̣ яат̇аабхууд̇ам̣ анабхисамзжжа саммаа д̣̇угкассанд̇ам̣ гариссаамий’д̇и – нзд̇ам̣ таанам̣ виж̇ж̇ад̇и.
‘‘Seyyathāpi , bhikkhave, yo evaṃ vadeyya – ‘ahaṃ khadirapattānaṃ vā saralapattānaṃ 2 vā āmalakapattānaṃ vā puṭaṃ karitvā udakaṃ vā tālapattaṃ vā āharissāmī’ti – netaṃ ṭhānaṃ vijjati; evameva kho, bhikkhave, yo evaṃ vadeyya – ‘ahaṃ dukkhaṃ ariyasaccaṃ yathābhūtaṃ anabhisamecca…pe… dukkhanirodhagāminiṃ paṭipadaṃ ariyasaccaṃ yathābhūtaṃ anabhisamecca sammā dukkhassantaṃ karissāmī’ti – netaṃ ṭhānaṃ vijjati.
‘‘яо жа ко, бхигкавз, звам̣ вад̣̇зяяа – ‘ахам̣ д̣̇угкам̣ арияасажжам̣ яат̇аабхууд̇ам̣ абхисамзжжа, д̣̇угкасамуд̣̇аяам̣ арияасажжам̣ яат̇аабхууд̇ам̣ абхисамзжжа, д̣̇угканирод̇хам̣ арияасажжам̣ яат̇аабхууд̇ам̣ абхисамзжжа, д̣̇угканирод̇хаг̇ааминим̣ бадибад̣̇ам̣ арияасажжам̣ яат̇аабхууд̇ам̣ абхисамзжжа саммаа д̣̇угкассанд̇ам̣ гариссаамий’д̇и – таанамзд̇ам̣ виж̇ж̇ад̇и.
‘‘Yo ca kho, bhikkhave, evaṃ vadeyya – ‘ahaṃ dukkhaṃ ariyasaccaṃ yathābhūtaṃ abhisamecca, dukkhasamudayaṃ ariyasaccaṃ yathābhūtaṃ abhisamecca, dukkhanirodhaṃ ariyasaccaṃ yathābhūtaṃ abhisamecca, dukkhanirodhagāminiṃ paṭipadaṃ ariyasaccaṃ yathābhūtaṃ abhisamecca sammā dukkhassantaṃ karissāmī’ti – ṭhānametaṃ vijjati.
‘‘сзяяат̇ааби, бхигкавз, яо звам̣ вад̣̇зяяа – ‘ахам̣ бад̣̇умабад̇д̇аанам̣ ваа балаасабад̇д̇аанам̣ ваа маалувабад̇д̇аанам̣ ваа будам̣ гарид̇ваа уд̣̇агам̣ ваа д̇аалабад̇д̇ам̣ ваа аахариссаамий’д̇и – таанамзд̇ам̣ виж̇ж̇ад̇и; звамзва ко, бхигкавз, яо звам̣ вад̣̇зяяа – ‘ахам̣ д̣̇угкам̣ арияасажжам̣ яат̇аабхууд̇ам̣ абхисамзжжа …бз… д̣̇угканирод̇хаг̇ааминим̣ бадибад̣̇ам̣ арияасажжам̣ яат̇аабхууд̇ам̣ абхисамзжжа саммаа д̣̇угкассанд̇ам̣ гариссаамий’д̇и – таанамзд̇ам̣ виж̇ж̇ад̇и.
‘‘Seyyathāpi, bhikkhave, yo evaṃ vadeyya – ‘ahaṃ padumapattānaṃ vā palāsapattānaṃ vā māluvapattānaṃ vā puṭaṃ karitvā udakaṃ vā tālapattaṃ vā āharissāmī’ti – ṭhānametaṃ vijjati; evameva kho, bhikkhave, yo evaṃ vadeyya – ‘ahaṃ dukkhaṃ ariyasaccaṃ yathābhūtaṃ abhisamecca …pe… dukkhanirodhagāminiṃ paṭipadaṃ ariyasaccaṃ yathābhūtaṃ abhisamecca sammā dukkhassantaṃ karissāmī’ti – ṭhānametaṃ vijjati.
‘‘д̇асмаад̇иха, бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. д̣̇уд̇ияам̣.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. кад̣̇ирабад̇д̇асуд̇д̇аван̣н̣анаа • 2. Khadirapattasuttavaṇṇanā
