| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૩. કાયસુત્તવણ્ણના
3. Kāyasuttavaṇṇanā
૨૩. તતિયે આપન્નો હોતિ કઞ્ચિદેવ દેસન્તિ કઞ્ચિ આપત્તિકોટ્ઠાસં આપન્નો હોતિ. અનુવિચ્ચાતિ અનુપવિસિત્વા પરિયોગાહેત્વા. કાયદુચ્ચરિતન્તિ તિવિધં કાયદુચ્ચરિતં. વચીદુચ્ચરિતન્તિ ચતુબ્બિધં વચીદુચ્ચરિતં. પાપિકા ઇસ્સાતિ લામિકા ઉસૂયા. પઞ્ઞાય દિસ્વાતિ સહવિપસ્સનાય મગ્ગપઞ્ઞાય પસ્સિત્વા પસ્સિત્વા પહાતબ્બા. ઇજ્ઝતીતિ સમિજ્ઝતિ. ઉપવાસસ્સાતિ નિસ્સાય ઉપસઙ્કમિત્વા વસન્તસ્સ. અભિભુય્યાતિ અજ્ઝોત્થરિત્વા મદ્દિત્વા. ઇરીયતીતિ વત્તતિ. ઇમસ્મિં સુત્તે સહવિપસ્સનાય મગ્ગો કથિતો.
23. Tatiye āpanno hoti kañcideva desanti kañci āpattikoṭṭhāsaṃ āpanno hoti. Anuviccāti anupavisitvā pariyogāhetvā. Kāyaduccaritanti tividhaṃ kāyaduccaritaṃ. Vacīduccaritanti catubbidhaṃ vacīduccaritaṃ. Pāpikā issāti lāmikā usūyā. Paññāya disvāti sahavipassanāya maggapaññāya passitvā passitvā pahātabbā. Ijjhatīti samijjhati. Upavāsassāti nissāya upasaṅkamitvā vasantassa. Abhibhuyyāti ajjhottharitvā madditvā. Irīyatīti vattati. Imasmiṃ sutte sahavipassanāya maggo kathito.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૩. કાયસુત્તં • 3. Kāyasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૨-૪. અધિવુત્તિપદસુત્તાદિવણ્ણના • 2-4. Adhivuttipadasuttādivaṇṇanā
