| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
3. காயஸுத்தவண்ணனா
3. Kāyasuttavaṇṇanā
23. ததியே ஆபன்னோ ஹோதி கஞ்சிதே³வ தே³ஸந்தி கஞ்சி ஆபத்திகொட்டா²ஸங் ஆபன்னோ ஹோதி. அனுவிச்சாதி அனுபவிஸித்வா பரியோகா³ஹெத்வா. காயது³ச்சரிதந்தி திவித⁴ங் காயது³ச்சரிதங். வசீது³ச்சரிதந்தி சதுப்³பி³த⁴ங் வசீது³ச்சரிதங். பாபிகா இஸ்ஸாதி லாமிகா உஸூயா. பஞ்ஞாய தி³ஸ்வாதி ஸஹவிபஸ்ஸனாய மக்³க³பஞ்ஞாய பஸ்ஸித்வா பஸ்ஸித்வா பஹாதப்³பா³. இஜ்ஜ²தீதி ஸமிஜ்ஜ²தி. உபவாஸஸ்ஸாதி நிஸ்ஸாய உபஸங்கமித்வா வஸந்தஸ்ஸ. அபி⁴பு⁴ய்யாதி அஜ்ஜொ²த்த²ரித்வா மத்³தி³த்வா. இரீயதீதி வத்ததி. இமஸ்மிங் ஸுத்தே ஸஹவிபஸ்ஸனாய மக்³கோ³ கதி²தோ.
23. Tatiye āpanno hoti kañcideva desanti kañci āpattikoṭṭhāsaṃ āpanno hoti. Anuviccāti anupavisitvā pariyogāhetvā. Kāyaduccaritanti tividhaṃ kāyaduccaritaṃ. Vacīduccaritanti catubbidhaṃ vacīduccaritaṃ. Pāpikā issāti lāmikā usūyā. Paññāya disvāti sahavipassanāya maggapaññāya passitvā passitvā pahātabbā. Ijjhatīti samijjhati. Upavāsassāti nissāya upasaṅkamitvā vasantassa. Abhibhuyyāti ajjhottharitvā madditvā. Irīyatīti vattati. Imasmiṃ sutte sahavipassanāya maggo kathito.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. காயஸுத்தங் • 3. Kāyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2-4. அதி⁴வுத்திபத³ஸுத்தாதி³வண்ணனா • 2-4. Adhivuttipadasuttādivaṇṇanā
