| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༢. ཀཱཡསཀྑིསུཏྟཝཎྞནཱ
2. Kāyasakkhisuttavaṇṇanā
༤༣. དུཏིཡེ ཡཐཱ ཡཐཱ ཙ ཏདཱཡཏནནྟི ཡེན ཡེན ཀཱརཎེན ཡེན ཡེནཱཀཱརེན ཏཾ པཋམཛ྄ཛྷཱནསངྑཱཏཾ ཨཱཡཏནཾ ཧོཏི། ཏཐཱ ཏཐཱ ནཾ ཀཱཡེན ཕུསིཏྭཱ ཝིཧརཏཱིཏི ཏེན ཏེན ཀཱརཎེན ཏེན ཏེནཱཀཱརེན ཏཾ སམཱཔཏྟིཾ སཧཛཱཏནཱམཀཱཡེན ཕུསིཏྭཱ ཝིཧརཏི, སམཱཔཛྫཏཱིཏི ཨཏྠོ། ཀཱཡསཀྑི ཝུཏྟོ བྷགཝཏཱ པརིཡཱཡེནཱཏི ཡསྨཱ ཏེན ནཱམཱཀཱཡེན པཋམཛ྄ཛྷཱནཾ སཙྪིཀཏཾ, ཏསྨཱ ཨིམིནཱ པརིཡཱཡེན ཀཱཡསཀྑི ཝུཏྟོ། ནིཔྤརིཡཱཡེནཱཏི ཡཏྟཀཾ ཀཱཡེན སཙྪིཀཱཏབྦཾ, སབྦསྶ ཀཏཏྟཱ ཨཡཾ ནིཔྤརིཡཱཡེན ཀཱཡསཀྑི ནཱམ།
43. Dutiye yathā yathā ca tadāyatananti yena yena kāraṇena yena yenākārena taṃ paṭhamajjhānasaṅkhātaṃ āyatanaṃ hoti. Tathā tathā naṃ kāyena phusitvā viharatīti tena tena kāraṇena tena tenākārena taṃ samāpattiṃ sahajātanāmakāyena phusitvā viharati, samāpajjatīti attho. Kāyasakkhi vutto bhagavatā pariyāyenāti yasmā tena nāmākāyena paṭhamajjhānaṃ sacchikataṃ, tasmā iminā pariyāyena kāyasakkhi vutto. Nippariyāyenāti yattakaṃ kāyena sacchikātabbaṃ, sabbassa katattā ayaṃ nippariyāyena kāyasakkhi nāma.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༢. ཀཱཡསཀྑཱིསུཏྟཾ • 2. Kāyasakkhīsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. སམྦཱདྷསུཏྟཱདིཝཎྞནཱ • 1-10. Sambādhasuttādivaṇṇanā
