| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੨. ਸਾਮਞ੍ਞવਗ੍ਗੋ
12. Sāmaññavaggo
੧. ਕਾਯਾਨੁਪਸ੍ਸੀਸੁਤ੍ਤਂ
1. Kāyānupassīsuttaṃ
੧੧੭. ‘‘ਛ , ਭਿਕ੍ਖવੇ, ਧਮ੍ਮੇ ਅਪ੍ਪਹਾਯ ਅਭਬ੍ਬੋ ਕਾਯੇ ਕਾਯਾਨੁਪਸ੍ਸੀ વਿਹਰਿਤੁਂ। ਕਤਮੇ ਛ? ਕਮ੍ਮਾਰਾਮਤਂ, ਭਸ੍ਸਾਰਾਮਤਂ, ਨਿਦ੍ਦਾਰਾਮਤਂ, ਸਙ੍ਗਣਿਕਾਰਾਮਤਂ, ਇਨ੍ਦ੍ਰਿਯੇਸੁ ਅਗੁਤ੍ਤਦ੍વਾਰਤਂ, ਭੋਜਨੇ ਅਮਤ੍ਤਞ੍ਞੁਤਂ। ਇਮੇ ਖੋ, ਭਿਕ੍ਖવੇ, ਛ ਧਮ੍ਮੇ ਅਪ੍ਪਹਾਯ ਅਭਬ੍ਬੋ ਕਾਯੇ ਕਾਯਾਨੁਪਸ੍ਸੀ વਿਹਰਿਤੁਂ।
117. ‘‘Cha , bhikkhave, dhamme appahāya abhabbo kāye kāyānupassī viharituṃ. Katame cha? Kammārāmataṃ, bhassārāmataṃ, niddārāmataṃ, saṅgaṇikārāmataṃ, indriyesu aguttadvārataṃ, bhojane amattaññutaṃ. Ime kho, bhikkhave, cha dhamme appahāya abhabbo kāye kāyānupassī viharituṃ.
‘‘ਛ , ਭਿਕ੍ਖવੇ, ਧਮ੍ਮੇ ਪਹਾਯ ਭਬ੍ਬੋ ਕਾਯੇ ਕਾਯਾਨੁਪਸ੍ਸੀ વਿਹਰਿਤੁਂ। ਕਤਮੇ ਛ? ਕਮ੍ਮਾਰਾਮਤਂ, ਭਸ੍ਸਾਰਾਮਤਂ, ਨਿਦ੍ਦਾਰਾਮਤਂ, ਸਙ੍ਗਣਿਕਾਰਾਮਤਂ, ਇਨ੍ਦ੍ਰਿਯੇਸੁ ਅਗੁਤ੍ਤਦ੍વਾਰਤਂ, ਭੋਜਨੇ ਅਮਤ੍ਤਞ੍ਞੁਤਂ – ਇਮੇ ਖੋ, ਭਿਕ੍ਖવੇ, ਛ ਧਮ੍ਮੇ ਪਹਾਯ ਭਬ੍ਬੋ ਕਾਯੇ ਕਾਯਾਨੁਪਸ੍ਸੀ વਿਹਰਿਤੁ’’ਨ੍ਤਿ। ਪਠਮਂ।
‘‘Cha , bhikkhave, dhamme pahāya bhabbo kāye kāyānupassī viharituṃ. Katame cha? Kammārāmataṃ, bhassārāmataṃ, niddārāmataṃ, saṅgaṇikārāmataṃ, indriyesu aguttadvārataṃ, bhojane amattaññutaṃ – ime kho, bhikkhave, cha dhamme pahāya bhabbo kāye kāyānupassī viharitu’’nti. Paṭhamaṃ.
