| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૨. સામઞ્ઞવગ્ગો
12. Sāmaññavaggo
૧. કાયાનુપસ્સીસુત્તં
1. Kāyānupassīsuttaṃ
૧૧૭. ‘‘છ , ભિક્ખવે, ધમ્મે અપ્પહાય અભબ્બો કાયે કાયાનુપસ્સી વિહરિતું. કતમે છ? કમ્મારામતં, ભસ્સારામતં, નિદ્દારામતં, સઙ્ગણિકારામતં, ઇન્દ્રિયેસુ અગુત્તદ્વારતં, ભોજને અમત્તઞ્ઞુતં. ઇમે ખો, ભિક્ખવે, છ ધમ્મે અપ્પહાય અભબ્બો કાયે કાયાનુપસ્સી વિહરિતું.
117. ‘‘Cha , bhikkhave, dhamme appahāya abhabbo kāye kāyānupassī viharituṃ. Katame cha? Kammārāmataṃ, bhassārāmataṃ, niddārāmataṃ, saṅgaṇikārāmataṃ, indriyesu aguttadvārataṃ, bhojane amattaññutaṃ. Ime kho, bhikkhave, cha dhamme appahāya abhabbo kāye kāyānupassī viharituṃ.
‘‘છ , ભિક્ખવે, ધમ્મે પહાય ભબ્બો કાયે કાયાનુપસ્સી વિહરિતું. કતમે છ? કમ્મારામતં, ભસ્સારામતં, નિદ્દારામતં, સઙ્ગણિકારામતં, ઇન્દ્રિયેસુ અગુત્તદ્વારતં, ભોજને અમત્તઞ્ઞુતં – ઇમે ખો, ભિક્ખવે, છ ધમ્મે પહાય ભબ્બો કાયે કાયાનુપસ્સી વિહરિતુ’’ન્તિ. પઠમં.
‘‘Cha , bhikkhave, dhamme pahāya bhabbo kāye kāyānupassī viharituṃ. Katame cha? Kammārāmataṃ, bhassārāmataṃ, niddārāmataṃ, saṅgaṇikārāmataṃ, indriyesu aguttadvārataṃ, bhojane amattaññutaṃ – ime kho, bhikkhave, cha dhamme pahāya bhabbo kāye kāyānupassī viharitu’’nti. Paṭhamaṃ.
