| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
гаамааважарагусалам̣ д̣̇ваарагат̇аа
Kāmāvacarakusalaṃ dvārakathā
гааяагаммад̣̇ваарагат̇аа
Kāyakammadvārakathā
имасса банад̇т̇асса багаасанад̇т̇ам̣ имасмим̣ таанз махааадтагат̇ааяам̣ д̣̇ваарагат̇аа гат̇ид̇аа. д̇ад̇т̇а д̇ийн̣и гаммаани, д̇ийн̣и гаммад̣̇ваараани, бан̃жа вин̃н̃аан̣аани, бан̃жа вин̃н̃аан̣ад̣̇ваараани, ча пассаа, ча пассад̣̇ваараани, адта асам̣вараа, адта асам̣варад̣̇ваараани, адта сам̣вараа, адта сам̣варад̣̇ваараани, д̣̇аса гусалагаммабат̇аа, д̣̇аса агусалагаммабат̇аад̇и, ид̣̇ам̣ зд̇д̇агам̣ д̣̇ваарагат̇ааяа маад̇игаатабанам̣ наама.
Imassa panatthassa pakāsanatthaṃ imasmiṃ ṭhāne mahāaṭṭhakathāyaṃ dvārakathā kathitā. Tattha tīṇi kammāni, tīṇi kammadvārāni, pañca viññāṇāni, pañca viññāṇadvārāni, cha phassā, cha phassadvārāni, aṭṭha asaṃvarā, aṭṭha asaṃvaradvārāni, aṭṭha saṃvarā, aṭṭha saṃvaradvārāni, dasa kusalakammapathā, dasa akusalakammapathāti, idaṃ ettakaṃ dvārakathāya mātikāṭhapanaṃ nāma.
д̇ад̇т̇а гин̃жааби д̇ийн̣и гаммаани батамам̣ вуд̇д̇аани, д̇аани бана табзд̇ваа аад̣̇ид̇о д̇аава д̇ийн̣и гаммад̣̇ваараани бхааж̇зд̇ваа д̣̇ассид̇аани. гад̇амаани д̇ийн̣и? гааяагаммад̣̇ваарам̣, важийгаммад̣̇ваарам̣, маногаммад̣̇вааранд̇и.
Tattha kiñcāpi tīṇi kammāni paṭhamaṃ vuttāni, tāni pana ṭhapetvā ādito tāva tīṇi kammadvārāni bhājetvā dassitāni. Katamāni tīṇi? Kāyakammadvāraṃ, vacīkammadvāraṃ, manokammadvāranti.
д̇ад̇т̇а жад̇уб̣б̣ид̇хо гааяо – убаад̣̇иннаго, аахаарасамудтаано, уд̇усамудтаано, жид̇д̇асамудтаанод̇и. д̇ад̇т̇а жагкааяад̇анаад̣̇ийни ж̇ийвид̇инд̣̇рияабарияанд̇аани адта гаммасамудтаанаруубааниби, гаммасамудтаанаанзва жад̇ассо д̇хаад̇уяо ван̣н̣о г̇анд̇хо расо ож̇аад̇и адта убаад̣̇иннагагааяо наама. д̇аанзва адта аахаараж̇аани аахаарасамудтаанигагааяо наама. адта уд̇уж̇аани уд̇усамудтаанигагааяо наама. адта жид̇д̇аж̇аани жид̇д̇асамудтаанигагааяо наама.
Tattha catubbidho kāyo – upādinnako, āhārasamuṭṭhāno, utusamuṭṭhāno, cittasamuṭṭhānoti. Tattha cakkhāyatanādīni jīvitindriyapariyantāni aṭṭha kammasamuṭṭhānarūpānipi, kammasamuṭṭhānāneva catasso dhātuyo vaṇṇo gandho raso ojāti aṭṭha upādinnakakāyo nāma. Tāneva aṭṭha āhārajāni āhārasamuṭṭhānikakāyo nāma. Aṭṭha utujāni utusamuṭṭhānikakāyo nāma. Aṭṭha cittajāni cittasamuṭṭhānikakāyo nāma.
д̇зсу гааяагаммад̣̇вааранд̇и нзва убаад̣̇иннагагааяасса наамам̣ на ид̇арзсам̣. жид̇д̇асамудтаанзсу бана адтасу руубзсу згаа вин̃н̃ад̇д̇и ад̇т̇и, ид̣̇ам̣ гааяагаммад̣̇ваарам̣ наама. яам̣ санд̇хааяа вуд̇д̇ам̣ – ‘‘гад̇амам̣ д̇ам̣ руубам̣ гааяавин̃н̃ад̇д̇и? яаа гусалажид̇д̇асса ваа, агусалажид̇д̇асса ваа, аб̣яаагад̇ажид̇д̇асса ваа, абхиггаманд̇асса ваа бадиггаманд̇асса ваа, аалогзнд̇асса ваа вилогзнд̇асса ваа, самин̃ж̇знд̇асса ваа басаарзнд̇асса ваа, гааяасса т̇амбханаа сант̇амбханаа сант̇амбхид̇ад̇д̇ам̣, вин̃н̃ад̇д̇и вин̃н̃аабанаа вин̃н̃аабид̇ад̇д̇ам̣, ид̣̇ам̣ д̇ам̣ руубам̣ гааяавин̃н̃ад̇д̇ий’’д̇и (д̇ха. са. 720). ‘абхиггамиссаами бадиггамиссаамий’д̇и хи жид̇д̇ам̣ уббаж̇ж̇амаанам̣ руубам̣ самудтаабзд̇и. д̇ад̇т̇а яаа бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇у д̇анниссид̇о ван̣н̣о г̇анд̇хо расо ож̇аад̇и имзсам̣ адтаннам̣ руубагалаабаанам̣ аб̣бханд̇арз жид̇д̇асамудтаанаа вааяод̇хаад̇у, саа ад̇д̇анаа сахаж̇аад̇ам̣ руубагааяам̣ сант̇амбхзд̇и санд̇хаарзд̇и жаалзд̇и абхиггамаабзд̇и бадиггамаабзд̇и.
Tesu kāyakammadvāranti neva upādinnakakāyassa nāmaṃ na itaresaṃ. Cittasamuṭṭhānesu pana aṭṭhasu rūpesu ekā viññatti atthi, idaṃ kāyakammadvāraṃ nāma. Yaṃ sandhāya vuttaṃ – ‘‘katamaṃ taṃ rūpaṃ kāyaviññatti? Yā kusalacittassa vā, akusalacittassa vā, abyākatacittassa vā, abhikkamantassa vā paṭikkamantassa vā, ālokentassa vā vilokentassa vā, samiñjentassa vā pasārentassa vā, kāyassa thambhanā santhambhanā santhambhitattaṃ, viññatti viññāpanā viññāpitattaṃ, idaṃ taṃ rūpaṃ kāyaviññattī’’ti (dha. sa. 720). ‘Abhikkamissāmi paṭikkamissāmī’ti hi cittaṃ uppajjamānaṃ rūpaṃ samuṭṭhāpeti. Tattha yā pathavīdhātu āpodhātu tejodhātu vāyodhātu tannissito vaṇṇo gandho raso ojāti imesaṃ aṭṭhannaṃ rūpakalāpānaṃ abbhantare cittasamuṭṭhānā vāyodhātu, sā attanā sahajātaṃ rūpakāyaṃ santhambheti sandhāreti cāleti abhikkamāpeti paṭikkamāpeti.
д̇ад̇т̇а згааваж̇ж̇анавийт̇ияам̣ сад̇д̇асу ж̇аванзсу батамажид̇д̇асамудтид̇аа вааяод̇хаад̇у ад̇д̇анаа сахаж̇аад̇ам̣ руубагааяам̣ сант̇амбхзд̇ум̣ санд̇хаарзд̇ум̣ саггод̇и, абараабарам̣ бана жаалзд̇ум̣ на саггод̇и. д̣̇уд̇ияаад̣̇ийсуби зсзва наяо. сад̇д̇амажид̇д̇зна бана самудтид̇аа вааяод̇хаад̇у хздтаа чахи жид̇д̇зхи самудтид̇ам̣ вааяод̇хаад̇ум̣ убад̇т̇амбханабажжаяам̣ лабхид̇ваа ад̇д̇анаа сахаж̇аад̇ам̣ руубагааяам̣ сант̇амбхзд̇ум̣ санд̇хаарзд̇ум̣ жаалзд̇ум̣ абхиггамаабзд̇ум̣ бадиггамаабзд̇ум̣ аалогаабзд̇ум̣ вилогаабзд̇ум̣ саммин̃ж̇аабзд̇ум̣ басаараабзд̇ум̣ саггод̇и. д̇зна г̇аманам̣ наама ж̇ааяад̇и, ааг̇аманам̣ наама ж̇ааяад̇и, г̇аманааг̇аманам̣ наама ж̇ааяад̇и. ‘яож̇анам̣ г̇ад̇о д̣̇асаяож̇анам̣ г̇ад̇о’д̇и вад̇д̇аб̣б̣ад̇ам̣ аабаж̇ж̇аабзд̇и.
Tattha ekāvajjanavīthiyaṃ sattasu javanesu paṭhamacittasamuṭṭhitā vāyodhātu attanā sahajātaṃ rūpakāyaṃ santhambhetuṃ sandhāretuṃ sakkoti, aparāparaṃ pana cāletuṃ na sakkoti. Dutiyādīsupi eseva nayo. Sattamacittena pana samuṭṭhitā vāyodhātu heṭṭhā chahi cittehi samuṭṭhitaṃ vāyodhātuṃ upatthambhanapaccayaṃ labhitvā attanā sahajātaṃ rūpakāyaṃ santhambhetuṃ sandhāretuṃ cāletuṃ abhikkamāpetuṃ paṭikkamāpetuṃ ālokāpetuṃ vilokāpetuṃ sammiñjāpetuṃ pasārāpetuṃ sakkoti. Tena gamanaṃ nāma jāyati, āgamanaṃ nāma jāyati, gamanāgamanaṃ nāma jāyati. ‘Yojanaṃ gato dasayojanaṃ gato’ti vattabbataṃ āpajjāpeti.
яат̇аа хи сад̇д̇ахи яуг̇зхи аагад̣дхид̇аб̣б̣з сагадз батамаяуг̇з яуд̇д̇аг̇он̣аа яуг̇ам̣ д̇аава сант̇амбхзд̇ум̣ санд̇хаарзд̇ум̣ саггонд̇и, жаггам̣ бана набаваддзнд̇и; д̣̇уд̇ияаад̣̇ийсуби зсзва наяо; сад̇д̇амаяуг̇з бана г̇он̣з яож̇зд̇ваа яад̣̇аа чзго саарат̇и д̇хурз нисийд̣̇ид̇ваа яод̇д̇аани аад̣̇ааяа саб̣б̣абуримад̇о бадтааяа бад̇од̣̇аладтияаа г̇он̣з аагодзд̇и, д̇ад̣̇аа саб̣б̣зва згаб̣алаа худ̇ваа д̇хуран̃жа санд̇хаарзнд̇и жаггаани жа баваддзнд̇и. ‘сагадам̣ г̇ахзд̇ваа д̣̇асаяож̇анам̣ вийсад̇ияож̇анам̣ г̇ад̇аа’д̇и вад̇д̇аб̣б̣ад̇ам̣ аабаад̣̇знд̇и – звам̣самбад̣̇амид̣̇ам̣ взд̣̇ид̇аб̣б̣ам̣.
Yathā hi sattahi yugehi ākaḍḍhitabbe sakaṭe paṭhamayuge yuttagoṇā yugaṃ tāva santhambhetuṃ sandhāretuṃ sakkonti, cakkaṃ pana napavaṭṭenti; dutiyādīsupi eseva nayo; sattamayuge pana goṇe yojetvā yadā cheko sārathi dhure nisīditvā yottāni ādāya sabbapurimato paṭṭhāya patodalaṭṭhiyā goṇe ākoṭeti, tadā sabbeva ekabalā hutvā dhurañca sandhārenti cakkāni ca pavaṭṭenti. ‘Sakaṭaṃ gahetvā dasayojanaṃ vīsatiyojanaṃ gatā’ti vattabbataṃ āpādenti – evaṃsampadamidaṃ veditabbaṃ.
д̇ад̇т̇а яо жид̇д̇асамудтаанигагааяо на со вин̃н̃ад̇д̇и, жид̇д̇асамудтаанааяа бана вааяод̇хаад̇уяаа сахаж̇аад̇ам̣ руубагааяам̣ сант̇амбхзд̇ум̣ санд̇хаарзд̇ум̣ жаалзд̇ум̣ бажжаяо бхавид̇ум̣ самад̇т̇о зго аагааравигааро ад̇т̇и, аяам̣ вин̃н̃ад̇д̇и наама. саа адта руубаани вияа на жид̇д̇асамудтаанаа. яат̇аа бана анижжаад̣̇ибхзд̣̇аанам̣ д̇хаммаанам̣ ж̇араамаран̣ад̇д̇аа, ‘‘ж̇араамаран̣ам̣, бхигкавз, анижжам̣ сан̇кад̇а’’нд̇иаад̣̇и (сам̣. ни. 2.20) вуд̇д̇ам̣, звам̣ жид̇д̇асамудтаанаанам̣ руубаанам̣ вин̃н̃ад̇д̇ид̇ааяа сааби жид̇д̇асамудтаанаа наама ход̇и.
Tattha yo cittasamuṭṭhānikakāyo na so viññatti, cittasamuṭṭhānāya pana vāyodhātuyā sahajātaṃ rūpakāyaṃ santhambhetuṃ sandhāretuṃ cāletuṃ paccayo bhavituṃ samattho eko ākāravikāro atthi, ayaṃ viññatti nāma. Sā aṭṭha rūpāni viya na cittasamuṭṭhānā. Yathā pana aniccādibhedānaṃ dhammānaṃ jarāmaraṇattā, ‘‘jarāmaraṇaṃ, bhikkhave, aniccaṃ saṅkhata’’ntiādi (saṃ. ni. 2.20) vuttaṃ, evaṃ cittasamuṭṭhānānaṃ rūpānaṃ viññattitāya sāpi cittasamuṭṭhānā nāma hoti.
вин̃н̃аабанад̇д̇аа банзсаа вин̃н̃ад̇д̇ийд̇и вужжад̇и. гим̣ вин̃н̃аабзд̇ийд̇и? згам̣ гааяигагаран̣ам̣. жагкубат̇асмин̃хи тид̇о хад̇т̇ам̣ ваа баад̣̇ам̣ ваа угкибад̇и, сийсам̣ ваа бхамугам̣ ваа жаалзд̇и, аяам̣ хад̇т̇аад̣̇ийнам̣ аагааро жагкувин̃н̃зяяо ход̇и. вин̃н̃ад̇д̇и бана на жагкувин̃н̃зяяаа мановин̃н̃зяяаа зва. жагкунаа хи хад̇т̇авигаараад̣̇ивасзна вибпанд̣̇амаанам̣ ван̣н̣аарамман̣амзва бассад̇и. вин̃н̃ад̇д̇им̣ бана манод̣̇вааригажид̇д̇зна жинд̇зд̇ваа ‘ид̣̇ан̃жид̣̇ан̃жа зса гаарзд̇и ман̃н̃з’д̇и ж̇аанаад̇и.
Viññāpanattā panesā viññattīti vuccati. Kiṃ viññāpetīti? Ekaṃ kāyikakaraṇaṃ. Cakkhupathasmiñhi ṭhito hatthaṃ vā pādaṃ vā ukkhipati, sīsaṃ vā bhamukaṃ vā cāleti, ayaṃ hatthādīnaṃ ākāro cakkhuviññeyyo hoti. Viññatti pana na cakkhuviññeyyā manoviññeyyā eva. Cakkhunā hi hatthavikārādivasena vipphandamānaṃ vaṇṇārammaṇameva passati. Viññattiṃ pana manodvārikacittena cintetvā ‘idañcidañca esa kāreti maññe’ti jānāti.
яат̇аа хи аран̃н̃з нид̣̇аагхасамаяз уд̣̇агадтаанз мануссаа ‘имааяа сан̃н̃ааяа ид̇ха уд̣̇агасса ад̇т̇ибхаавам̣ ж̇ааниссанд̇ий’д̇и ругкаг̇г̇з д̇аалабан̣н̣аад̣̇ийни б̣анд̇хаабзнд̇и, сураабаанад̣̇ваарз д̇хаж̇ам̣ уссаабзнд̇и, ужжам̣ ваа бана ругкам̣ ваад̇о бахарид̇ваа жаалзд̇и, анд̇оуд̣̇агз мажчз жаланд̇з убари б̣уб̣б̣ул̣агаани удтаханд̇и, махогхасса г̇ад̇амаг̇г̇абарияанд̇з д̇ин̣абан̣н̣агасадам̣ уссаарид̇ам̣ ход̇и. д̇ад̇т̇а д̇аалабан̣н̣ад̇хаж̇асаакаажаланаб̣уб̣б̣ул̣агад̇ин̣абан̣н̣агасадз д̣̇исваа яат̇аа жагкунаа ад̣̇идтамби ‘зд̇т̇а уд̣̇агам̣ бхависсад̇и, сураа бхависсад̇и, аяам̣ ругко ваад̇зна бахад̇о бхависсад̇и, анд̇оуд̣̇агз мажчо бхависсад̇и, зд̇д̇агам̣ таанам̣ аж̇жход̇т̇арид̇ваа огхо г̇ад̇о бхависсад̇ий’д̇и мановин̃н̃аан̣зна ж̇аанаад̇и, звамзва вин̃н̃ад̇д̇иби на жагкувин̃н̃зяяаа мановин̃н̃зяяаава. жагкунаа хи хад̇т̇авигаараад̣̇ивасзна вибпанд̣̇амаанам̣ ван̣н̣аарамман̣амзва бассад̇и. вин̃н̃ад̇д̇им̣ бана манод̣̇вааригажид̇д̇зна жинд̇зд̇ваа ‘ид̣̇ан̃жид̣̇ан̃жа зса гаарзд̇и ман̃н̃з’д̇и ж̇аанаад̇и.
Yathā hi araññe nidāghasamaye udakaṭṭhāne manussā ‘imāya saññāya idha udakassa atthibhāvaṃ jānissantī’ti rukkhagge tālapaṇṇādīni bandhāpenti, surāpānadvāre dhajaṃ ussāpenti, uccaṃ vā pana rukkhaṃ vāto paharitvā cāleti, antoudake macche calante upari bubbuḷakāni uṭṭhahanti, mahoghassa gatamaggapariyante tiṇapaṇṇakasaṭaṃ ussāritaṃ hoti. Tattha tālapaṇṇadhajasākhācalanabubbuḷakatiṇapaṇṇakasaṭe disvā yathā cakkhunā adiṭṭhampi ‘ettha udakaṃ bhavissati, surā bhavissati, ayaṃ rukkho vātena pahato bhavissati, antoudake maccho bhavissati, ettakaṃ ṭhānaṃ ajjhottharitvā ogho gato bhavissatī’ti manoviññāṇena jānāti, evameva viññattipi na cakkhuviññeyyā manoviññeyyāva. Cakkhunā hi hatthavikārādivasena vipphandamānaṃ vaṇṇārammaṇameva passati. Viññattiṃ pana manodvārikacittena cintetvā ‘idañcidañca esa kāreti maññe’ti jānāti.
на гзвалан̃жзсаа вин̃н̃аабанад̇ова вин̃н̃ад̇д̇и наама. вин̃н̃зяяад̇оби бана вин̃н̃ад̇д̇иязва наама. аяан̃хи барзсам̣ анд̇амасо д̇иражчаанаг̇ад̇аанамби баагадаа ход̇и. д̇ад̇т̇а д̇ад̇т̇а саннибад̇ид̇аа хи сон̣асин̇г̇аалагаагаг̇он̣аад̣̇аяо д̣̇ан̣д̣ам̣ ваа лзд̣д̣ум̣ ваа г̇ахзд̇ваа бахаран̣аагаарз д̣̇ассид̇з ‘аяам̣ но бахарид̇угаамо’д̇и н̃ад̇ваа язна ваа д̇зна ваа балааяанд̇и. баагаарагуддаад̣̇ианд̇аригасса бана барасса абаагадагаалоби ад̇т̇и. гин̃жааби д̇асмим̣ кан̣з абаагадаа саммукийбхууд̇аанам̣ бана баагадад̇д̇аа вин̃н̃ад̇д̇иязва наама ход̇и.
Na kevalañcesā viññāpanatova viññatti nāma. Viññeyyatopi pana viññattiyeva nāma. Ayañhi paresaṃ antamaso tiracchānagatānampi pākaṭā hoti. Tattha tattha sannipatitā hi soṇasiṅgālakākagoṇādayo daṇḍaṃ vā leḍḍuṃ vā gahetvā paharaṇākāre dassite ‘ayaṃ no paharitukāmo’ti ñatvā yena vā tena vā palāyanti. Pākārakuṭṭādiantarikassa pana parassa apākaṭakālopi atthi. Kiñcāpi tasmiṃ khaṇe apākaṭā sammukhībhūtānaṃ pana pākaṭattā viññattiyeva nāma hoti.
жид̇д̇асамудтаанигз бана гааяз жаланд̇з д̇исамудтааниго жалад̇и на жалад̇ийд̇и? соби д̇ат̇зва жалад̇и. д̇ам̣г̇ад̇иго д̇ад̣̇анувад̇д̇агова ход̇и. яат̇аа хи уд̣̇агз г̇ажчанд̇з уд̣̇агз бад̇ид̇аани сугкад̣̇ан̣д̣агад̇ин̣абан̣н̣аад̣̇ийниби уд̣̇агаг̇ад̇игаанзва бхаванд̇и, д̇асмим̣ г̇ажчанд̇з г̇ажчанд̇и, д̇идтанд̇з д̇идтанд̇и – звам̣самбад̣̇амид̣̇ам̣ взд̣̇ид̇аб̣б̣ам̣. звамзсаа жид̇д̇асамудтаанзсу руубзсу вин̃н̃ад̇д̇и гааяагаммад̣̇ваарам̣ наамаад̇и взд̣̇ид̇аб̣б̣аа.
Cittasamuṭṭhānike pana kāye calante tisamuṭṭhāniko calati na calatīti? Sopi tatheva calati. Taṃgatiko tadanuvattakova hoti. Yathā hi udake gacchante udake patitāni sukkhadaṇḍakatiṇapaṇṇādīnipi udakagatikāneva bhavanti, tasmiṃ gacchante gacchanti, tiṭṭhante tiṭṭhanti – evaṃsampadamidaṃ veditabbaṃ. Evamesā cittasamuṭṭhānesu rūpesu viññatti kāyakammadvāraṃ nāmāti veditabbā.
яаа бана д̇асмим̣ д̣̇ваарз сид̣̇д̇хаа жзд̇анаа яааяа баан̣ам̣ ханад̇и, ад̣̇иннам̣ аад̣̇ияад̇и, мижчаажаарам̣ жарад̇и, баан̣аад̇ибаад̇аад̣̇ийхи вирамад̇и, ид̣̇ам̣ гааяагаммам̣ наама. звам̣ бараваад̣̇имхи сад̇и гааяо д̣̇ваарам̣, д̇амхи д̣̇ваарз сид̣̇д̇хаа жзд̇анаа гааяагаммам̣ ‘гусалам̣ ваа агусалам̣ ваа’д̇и табзд̇аб̣б̣ам̣. бараваад̣̇имхи бана асад̇и ‘аб̣яаагад̇ам̣ ваа’д̇и д̇игам̣ буурзд̇ваава табзд̇аб̣б̣ам̣. д̇ад̇т̇а яат̇аа наг̇арад̣̇ваарам̣ гад̇адтаанзязва д̇идтад̇и, ан̇г̇уламад̇д̇амби абараабарам̣ на сан̇гамад̇и, д̇зна д̇зна бана д̣̇ваарзна махааж̇ано сан̃жарад̇и, звамзва д̣̇ваарз д̣̇ваарам̣ на сан̃жарад̇и, гаммам̣ бана д̇асмим̣ д̇асмим̣ д̣̇ваарз уббаж̇ж̇анад̇о жарад̇и. д̇знааху бораан̣аа –
Yā pana tasmiṃ dvāre siddhā cetanā yāya pāṇaṃ hanati, adinnaṃ ādiyati, micchācāraṃ carati, pāṇātipātādīhi viramati, idaṃ kāyakammaṃ nāma. Evaṃ paravādimhi sati kāyo dvāraṃ, tamhi dvāre siddhā cetanā kāyakammaṃ ‘kusalaṃ vā akusalaṃ vā’ti ṭhapetabbaṃ. Paravādimhi pana asati ‘abyākataṃ vā’ti tikaṃ pūretvāva ṭhapetabbaṃ. Tattha yathā nagaradvāraṃ kataṭṭhāneyeva tiṭṭhati, aṅgulamattampi aparāparaṃ na saṅkamati, tena tena pana dvārena mahājano sañcarati, evameva dvāre dvāraṃ na sañcarati, kammaṃ pana tasmiṃ tasmiṃ dvāre uppajjanato carati. Tenāhu porāṇā –
д̣̇ваарз жаранд̇и гаммаани, на д̣̇ваараа д̣̇вааражаарино;
Dvāre caranti kammāni, na dvārā dvāracārino;
д̇асмаа д̣̇ваарзхи гаммаани, ан̃н̃аман̃н̃ам̣ вавад̇т̇ид̇аад̇и.
Tasmā dvārehi kammāni, aññamaññaṃ vavatthitāti.
д̇ад̇т̇а гаммзнааби д̣̇ваарам̣ наамам̣ лабхад̇и, д̣̇ваарзнааби гаммам̣. яат̇аа хи вин̃н̃аан̣аад̣̇ийнам̣ уббаж̇ж̇анадтаанаани вин̃н̃аан̣ад̣̇ваарам̣ пассад̣̇ваарам̣ асам̣варад̣̇ваарам̣ сам̣варад̣̇вааранд̇и наамам̣ лабханд̇и, звам̣ гааяагаммасса уббаж̇ж̇анадтаанам̣ гааяагаммад̣̇вааранд̇и наамам̣ лабхад̇и. важийманогаммад̣̇ваарзсуби зсзва наяо. яат̇аа бана д̇асмим̣ д̇асмим̣ ругкз ад̇хивад̇т̇аа д̣̇звад̇аа симб̣алид̣̇звад̇аа балаасад̣̇звад̇аа бужиманд̣̇ад̣̇звад̇аа панд̣̇анад̣̇звад̇аад̇и д̇зна д̇зна ругкзна наамам̣ лабхад̇и, звамзва гааяад̣̇ваарзна гад̇ам̣ гаммамби гааяагамманд̇и д̣̇ваарзна наамам̣ лабхад̇и. важийгаммаманогаммзсуби зсзва наяо. д̇ад̇т̇а ан̃н̃о гааяо, ан̃н̃ам̣ гаммам̣, гааязна бана гад̇ад̇д̇аа д̇ам̣ гааяагамманд̇и вужжад̇и. д̇знааху адтагат̇аажарияаа –
Tattha kammenāpi dvāraṃ nāmaṃ labhati, dvārenāpi kammaṃ. Yathā hi viññāṇādīnaṃ uppajjanaṭṭhānāni viññāṇadvāraṃ phassadvāraṃ asaṃvaradvāraṃ saṃvaradvāranti nāmaṃ labhanti, evaṃ kāyakammassa uppajjanaṭṭhānaṃ kāyakammadvāranti nāmaṃ labhati. Vacīmanokammadvāresupi eseva nayo. Yathā pana tasmiṃ tasmiṃ rukkhe adhivatthā devatā simbalidevatā palāsadevatā pucimandadevatā phandanadevatāti tena tena rukkhena nāmaṃ labhati, evameva kāyadvārena kataṃ kammampi kāyakammanti dvārena nāmaṃ labhati. Vacīkammamanokammesupi eseva nayo. Tattha añño kāyo, aññaṃ kammaṃ, kāyena pana katattā taṃ kāyakammanti vuccati. Tenāhu aṭṭhakathācariyā –
гааязна жз гад̇ам̣ гаммам̣, гааяагамманд̇и вужжад̇и;
Kāyena ce kataṃ kammaṃ, kāyakammanti vuccati;
гааяо жа гааяагамман̃жа, ан̃н̃аман̃н̃ам̣ вавад̇т̇ид̇аа.
Kāyo ca kāyakammañca, aññamaññaṃ vavatthitā.
суужияаа жз гад̇ам̣ гаммам̣, суужигамманд̇и вужжад̇и;
Sūciyā ce kataṃ kammaṃ, sūcikammanti vuccati;
суужи жа суужигамман̃жа, ан̃н̃аман̃н̃ам̣ вавад̇т̇ид̇аа.
Sūci ca sūcikammañca, aññamaññaṃ vavatthitā.
ваасияаа жз гад̇ам̣ гаммам̣, ваасигамманд̇и вужжад̇и;
Vāsiyā ce kataṃ kammaṃ, vāsikammanti vuccati;
вааси жа ваасигамман̃жа, ан̃н̃аман̃н̃ам̣ вавад̇т̇ид̇аа.
Vāsi ca vāsikammañca, aññamaññaṃ vavatthitā.
бурисзна жз гад̇ам̣ гаммам̣, бурисагамманд̇и вужжад̇и;
Purisena ce kataṃ kammaṃ, purisakammanti vuccati;
бурисо жа бурисагамман̃жа, ан̃н̃аман̃н̃ам̣ вавад̇т̇ид̇аа.
Puriso ca purisakammañca, aññamaññaṃ vavatthitā.
звамзвам̣.
Evamevaṃ.
гааязна жз гад̇ам̣ гаммам̣, гааяагамманд̇и вужжад̇и;
Kāyena ce kataṃ kammaṃ, kāyakammanti vuccati;
гааяо жа гааяагамман̃жа, ан̃н̃аман̃н̃ам̣ вавад̇т̇ид̇аад̇и.
Kāyo ca kāyakammañca, aññamaññaṃ vavatthitāti.
звам̣ санд̇з нзва д̣̇ваарававад̇т̇аанам̣ яуж̇ж̇ад̇и, на гаммававад̇т̇аанам̣. гат̇ам̣? гааяавин̃н̃ад̇д̇ияан̃хи ‘‘д̣̇ваарз жаранд̇и гаммааний’’д̇и важанад̇о важийгаммамби бавад̇д̇ад̇и, д̇знассаа гааяагаммад̣̇вааранд̇и вавад̇т̇аанам̣ на яуд̇д̇ам̣. гааяагамман̃жа важийвин̃н̃ад̇д̇ияамби бавад̇д̇ад̇и, д̇знасса гааяагамманд̇и вавад̇т̇аанам̣ на яуж̇ж̇ад̇ий’д̇и. ‘но на яуж̇ж̇ад̇и. гасмаа? язбхуяяавуд̇д̇ид̇ааяа жзва д̇аб̣б̣ахулавуд̇д̇ид̇ааяа жа. гааяагаммамзва хи язбхуяязна гааяавин̃н̃ад̇д̇ияам̣ бавад̇д̇ад̇и на ид̇араани, д̇асмаа гааяагаммасса язбхуяязна бавад̇д̇ид̇о д̇ассаа гааяагаммад̣̇ваарабхааво сид̣̇д̇хо. б̣раахман̣аг̇аамаамб̣авананааг̇аванаад̣̇ийнам̣ б̣раахман̣аг̇аамаад̣̇ибхааво вияаад̇и д̣̇ваарававад̇т̇аанам̣ яуж̇ж̇ад̇и. гааяагаммам̣ бана гааяад̣̇ваарамхиязва б̣ахулам̣ бавад̇д̇ад̇и аббам̣ важийд̣̇ваарз . д̇асмаа гааяад̣̇ваарз б̣ахулам̣ бавад̇д̇ид̇о зд̇асса гааяагаммабхааво сид̣̇д̇хо, ванажарагат̇уллагумааригаад̣̇иг̇ожараанам̣ ванажарагаад̣̇ибхааво вияаад̇и. звам̣ гаммававад̇т̇аанамби яуж̇ж̇ад̇ий’д̇и.
Evaṃ sante neva dvāravavatthānaṃ yujjati, na kammavavatthānaṃ. Kathaṃ? Kāyaviññattiyañhi ‘‘dvāre caranti kammānī’’ti vacanato vacīkammampi pavattati, tenassā kāyakammadvāranti vavatthānaṃ na yuttaṃ. Kāyakammañca vacīviññattiyampi pavattati, tenassa kāyakammanti vavatthānaṃ na yujjatī’ti. ‘No na yujjati. Kasmā? Yebhuyyavuttitāya ceva tabbahulavuttitāya ca. Kāyakammameva hi yebhuyyena kāyaviññattiyaṃ pavattati na itarāni, tasmā kāyakammassa yebhuyyena pavattito tassā kāyakammadvārabhāvo siddho. Brāhmaṇagāmaambavananāgavanādīnaṃ brāhmaṇagāmādibhāvo viyāti dvāravavatthānaṃ yujjati. Kāyakammaṃ pana kāyadvāramhiyeva bahulaṃ pavattati appaṃ vacīdvāre . Tasmā kāyadvāre bahulaṃ pavattito etassa kāyakammabhāvo siddho, vanacarakathullakumārikādigocarānaṃ vanacarakādibhāvo viyāti. Evaṃ kammavavatthānampi yujjatī’ti.
гааяагаммад̣̇ваарагат̇аа нидтид̇аа.
Kāyakammadvārakathā niṭṭhitā.
