| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၁၀. ကဝိသုတ္တဝဏ္ဏနာ
10. Kavisuttavaṇṇanā
၆၀. ဒသမေ ဆန္ဒော နိဒာနန္တိ ဂာယတ္တိအာဒိကော ဆန္ဒော ဂာထာနံ နိဒာနံ။ ပုဗ္ဗပဋ္ဌာပနဂာထာ အာရဘန္တော ဟိ ‘‘ကတရစ္ဆန္ဒေန ဟောတူ’’တိ အာရဘတိ ။ ဝိယဉ္ဇနန္တိ ဇနနံ။ အက္ခရံ ဟိ ပဒံ ဇနေတိ, ပဒံ ဂာထံ ဇနေတိ, ဂာထာ အတ္ထံ ပကာသေတီတိ။ နာမသန္နိသ္သိတာတိ သမုဒ္ဒာဒိပဏ္ဏတ္တိနိသ္သိတာ။ ဂာထာ အာရဘန္တော ဟိ သမုဒ္ဒံ ဝာ ပထဝိံ ဝာ ယံ ကိဉ္စိ နာမံ နိသ္သယိတ္ဝာဝ အာရဘတိ။ အာသယောတိ ပတိဋ္ဌာ။ ကဝိတော ဟိ ဂာထာ ပဝတ္တန္တိ။ သော တာသံ ပတိဋ္ဌာ ဟောတီတိ။ ဒသမံ။
60. Dasame chando nidānanti gāyattiādiko chando gāthānaṃ nidānaṃ. Pubbapaṭṭhāpanagāthā ārabhanto hi ‘‘kataracchandena hotū’’ti ārabhati . Viyañjananti jananaṃ. Akkharaṃ hi padaṃ janeti, padaṃ gāthaṃ janeti, gāthā atthaṃ pakāsetīti. Nāmasannissitāti samuddādipaṇṇattinissitā. Gāthā ārabhanto hi samuddaṃ vā pathaviṃ vā yaṃ kiñci nāmaṃ nissayitvāva ārabhati. Āsayoti patiṭṭhā. Kavito hi gāthā pavattanti. So tāsaṃ patiṭṭhā hotīti. Dasamaṃ.
ဇရာဝဂ္ဂော ဆဋ္ဌော။
Jarāvaggo chaṭṭho.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. ကဝိသုတ္တံ • 10. Kavisuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၀. ကဝိသုတ္တဝဏ္ဏနာ • 10. Kavisuttavaṇṇanā
