| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៦. កដុវិយសុត្តវណ្ណនា
6. Kaṭuviyasuttavaṇṇanā
១២៩. ឆដ្ឋេ គោយោគបិលក្ខស្មិន្តិ គាវីនំ វិក្កយដ្ឋានេ ឧដ្ឋិតបិលក្ខស្ស សន្តិកេ។ រិត្តស្សាទន្តិ ឈានសុខាភាវេន រិត្តស្សាទំ។ ពាហិរស្សាទន្តិ កាមគុណសុខវសេន ពាហិរស្សាទំ។ កដុវិយន្តិ ឧច្ឆិដ្ឋំ។ អាមគន្ធេនាតិ កោធសង្ខាតេន វិស្សគន្ធេន។ អវស្សុតន្តិ តិន្តំ។ មក្ខិកាតិ កិលេសមក្ខិកា។ នានុបតិស្សន្តីតិ ឧដ្ឋាយ ន អនុពន្ធិស្សន្តិ។ នាន្វាស្សវិស្សន្តីតិ អនុពន្ធិត្វា ន ខាទិស្សន្តិ។ សំវេគមាបាទីតិ សោតាបន្នោ ជាតោ។
129. Chaṭṭhe goyogapilakkhasminti gāvīnaṃ vikkayaṭṭhāne uṭṭhitapilakkhassa santike. Rittassādanti jhānasukhābhāvena rittassādaṃ. Bāhirassādanti kāmaguṇasukhavasena bāhirassādaṃ. Kaṭuviyanti ucchiṭṭhaṃ. Āmagandhenāti kodhasaṅkhātena vissagandhena. Avassutanti tintaṃ. Makkhikāti kilesamakkhikā. Nānupatissantīti uṭṭhāya na anubandhissanti. Nānvāssavissantīti anubandhitvā na khādissanti. Saṃvegamāpādīti sotāpanno jāto.
កដុវិយកតោតិ ឧច្ឆិដ្ឋកតោ។ អារកា ហោតីតិ ទូរេ ហោតិ។ វិឃាតស្សេវ ភាគវាតិ ទុក្ខស្សេវ ភាគី។ ចរេតីតិ ចរតិ គច្ឆតិ។ ទុម្មេធោតិ ទុប្បញ្ញោ។ ឥមស្មិំ សុត្តេ វដ្ដមេវ កថិតំ, គាថាសុ វដ្ដវិវដ្ដំ កថិតន្តិ។ សត្តមេ វដ្ដមេវ ភាសិតំ។
Kaṭuviyakatoti ucchiṭṭhakato. Ārakā hotīti dūre hoti. Vighātasseva bhāgavāti dukkhasseva bhāgī. Caretīti carati gacchati. Dummedhoti duppañño. Imasmiṃ sutte vaṭṭameva kathitaṃ, gāthāsu vaṭṭavivaṭṭaṃ kathitanti. Sattame vaṭṭameva bhāsitaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៦. កដុវិយសុត្តំ • 6. Kaṭuviyasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៦. កដុវិយសុត្តវណ្ណនា • 6. Kaṭuviyasuttavaṇṇanā
