| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౬. కటువియసుత్తవణ్ణనా
6. Kaṭuviyasuttavaṇṇanā
౧౨౯. ఛట్ఠే గోయోగపిలక్ఖస్మిన్తి గావీనం విక్కయట్ఠానే ఉట్ఠితపిలక్ఖస్స సన్తికే. రిత్తస్సాదన్తి ఝానసుఖాభావేన రిత్తస్సాదం. బాహిరస్సాదన్తి కామగుణసుఖవసేన బాహిరస్సాదం. కటువియన్తి ఉచ్ఛిట్ఠం. ఆమగన్ధేనాతి కోధసఙ్ఖాతేన విస్సగన్ధేన. అవస్సుతన్తి తిన్తం. మక్ఖికాతి కిలేసమక్ఖికా. నానుపతిస్సన్తీతి ఉట్ఠాయ న అనుబన్ధిస్సన్తి. నాన్వాస్సవిస్సన్తీతి అనుబన్ధిత్వా న ఖాదిస్సన్తి. సంవేగమాపాదీతి సోతాపన్నో జాతో.
129. Chaṭṭhe goyogapilakkhasminti gāvīnaṃ vikkayaṭṭhāne uṭṭhitapilakkhassa santike. Rittassādanti jhānasukhābhāvena rittassādaṃ. Bāhirassādanti kāmaguṇasukhavasena bāhirassādaṃ. Kaṭuviyanti ucchiṭṭhaṃ. Āmagandhenāti kodhasaṅkhātena vissagandhena. Avassutanti tintaṃ. Makkhikāti kilesamakkhikā. Nānupatissantīti uṭṭhāya na anubandhissanti. Nānvāssavissantīti anubandhitvā na khādissanti. Saṃvegamāpādīti sotāpanno jāto.
కటువియకతోతి ఉచ్ఛిట్ఠకతో. ఆరకా హోతీతి దూరే హోతి. విఘాతస్సేవ భాగవాతి దుక్ఖస్సేవ భాగీ. చరేతీతి చరతి గచ్ఛతి. దుమ్మేధోతి దుప్పఞ్ఞో. ఇమస్మిం సుత్తే వట్టమేవ కథితం, గాథాసు వట్టవివట్టం కథితన్తి. సత్తమే వట్టమేవ భాసితం.
Kaṭuviyakatoti ucchiṭṭhakato. Ārakā hotīti dūre hoti. Vighātasseva bhāgavāti dukkhasseva bhāgī. Caretīti carati gacchati. Dummedhoti duppañño. Imasmiṃ sutte vaṭṭameva kathitaṃ, gāthāsu vaṭṭavivaṭṭaṃ kathitanti. Sattame vaṭṭameva bhāsitaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౬. కటువియసుత్తం • 6. Kaṭuviyasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౬. కటువియసుత్తవణ్ణనా • 6. Kaṭuviyasuttavaṇṇanā
