| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৬. কটুৰিযসুত্তৰণ্ণনা
6. Kaṭuviyasuttavaṇṇanā
১২৯. ছট্ঠে গোযোগপিলক্খস্মিন্তি গাৰীনং ৰিক্কযট্ঠানে উট্ঠিতপিলক্খস্স সন্তিকে। রিত্তস্সাদন্তি ঝানসুখাভাৰেন রিত্তস্সাদং। বাহিরস্সাদন্তি কামগুণসুখৰসেন বাহিরস্সাদং। কটুৰিযন্তি উচ্ছিট্ঠং। আমগন্ধেনাতি কোধসঙ্খাতেন ৰিস্সগন্ধেন। অৰস্সুতন্তি তিন্তং। মক্খিকাতি কিলেসমক্খিকা। নানুপতিস্সন্তীতি উট্ঠায ন অনুবন্ধিস্সন্তি। নান্ৰাস্সৰিস্সন্তীতি অনুবন্ধিত্ৰা ন খাদিস্সন্তি। সংৰেগমাপাদীতি সোতাপন্নো জাতো।
129. Chaṭṭhe goyogapilakkhasminti gāvīnaṃ vikkayaṭṭhāne uṭṭhitapilakkhassa santike. Rittassādanti jhānasukhābhāvena rittassādaṃ. Bāhirassādanti kāmaguṇasukhavasena bāhirassādaṃ. Kaṭuviyanti ucchiṭṭhaṃ. Āmagandhenāti kodhasaṅkhātena vissagandhena. Avassutanti tintaṃ. Makkhikāti kilesamakkhikā. Nānupatissantīti uṭṭhāya na anubandhissanti. Nānvāssavissantīti anubandhitvā na khādissanti. Saṃvegamāpādīti sotāpanno jāto.
কটুৰিযকতোতি উচ্ছিট্ঠকতো। আরকা হোতীতি দূরে হোতি। ৰিঘাতস্সেৰ ভাগৰাতি দুক্খস্সেৰ ভাগী। চরেতীতি চরতি গচ্ছতি। দুম্মেধোতি দুপ্পঞ্ঞো। ইমস্মিং সুত্তে ৰট্টমেৰ কথিতং, গাথাসু ৰট্টৰিৰট্টং কথিতন্তি। সত্তমে ৰট্টমেৰ ভাসিতং।
Kaṭuviyakatoti ucchiṭṭhakato. Ārakā hotīti dūre hoti. Vighātasseva bhāgavāti dukkhasseva bhāgī. Caretīti carati gacchati. Dummedhoti duppañño. Imasmiṃ sutte vaṭṭameva kathitaṃ, gāthāsu vaṭṭavivaṭṭaṃ kathitanti. Sattame vaṭṭameva bhāsitaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৬. কটুৰিযসুত্তং • 6. Kaṭuviyasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৬. কটুৰিযসুত্তৰণ্ণনা • 6. Kaṭuviyasuttavaṇṇanā
