| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਕਥਿਨਤ੍ਥਾਰવਗ੍ਗવਣ੍ਣਨਾ
Kathinatthāravaggavaṇṇanā
੪੬੭. ਕਥਿਨਤ੍ਥਾਰવਗ੍ਗੇ ਓਤਮਸਿਕੋਤਿ ਏਤ੍ਥ ਅવਤਮਂ ਗਤੋ ਓਤਮਸਿਕੋਤਿ ਦਸ੍ਸੇਨ੍ਤੋ ਆਹ ‘‘ਅਨ੍ਧਕਾਰਗਤੋ’’ਤਿ। ਅਨ੍ਧਕਾਰਸਦ੍ਦੇਨ ਤਮਸਦ੍ਦੋ ਅਨ੍ਧਕਾਰਪਰਿਯਾਯੋਤਿ ਦਸ੍ਸੇਤਿ। ਤਨ੍ਤਿ ਓਤਮਸਿਕਂ । ਅਸਮਨ੍ਨਾਹਰਨ੍ਤੋਤਿ ਤਂ ਅਸਮਨ੍ਨਾਹਰਨ੍ਤੋ, ਕਸ੍ਮਾ ਅਸਮਨ੍ਨਾਹਰਨ੍ਤੋਤਿ ਆਹ ‘‘ਕਿਚ੍ਚਯਪਸੁਤਤ੍ਤਾ વਨ੍ਦਨ’’ਨ੍ਤਿ। ਏਕਤੋਤਿ ਕੋਪੇਨ ਸਦ੍ਧਿਂ। વੇਰੀ વਿਸਭਾਗਪੁਗ੍ਗਲੋ ਏਕਤੋ ਆਕੋਧੇਨ વਤ੍ਤਨਟ੍ਠੇਨ ਏਕਾવਤ੍ਤੋਤਿ વੁਚ੍ਚਤਿ। ਪਹਰੇਯ੍ਯਾਤਿ વਨ੍ਦਨ੍ਤਂ ਪਹਰੇਯ੍ਯ। ‘‘ਅਞ੍ਞਂ ਚਿਨ੍ਤਯਮਾਨੋ’’ਤਿ ਇਮਿਨਾ ਅਞ੍ਞਸ੍ਮਿਂ ਆਰਮ੍ਮਣੇ ਚਿਤ੍ਤਂ વਿਦਹਤਿ ਠਪੇਤੀਤਿ ਅਞ੍ਞવਿਹਿਤੋਤਿ ਦਸ੍ਸੇਤਿ।
467. Kathinatthāravagge otamasikoti ettha avatamaṃ gato otamasikoti dassento āha ‘‘andhakāragato’’ti. Andhakārasaddena tamasaddo andhakārapariyāyoti dasseti. Tanti otamasikaṃ . Asamannāharantoti taṃ asamannāharanto, kasmā asamannāharantoti āha ‘‘kiccayapasutattā vandana’’nti. Ekatoti kopena saddhiṃ. Verī visabhāgapuggalo ekato ākodhena vattanaṭṭhena ekāvattoti vuccati. Pahareyyāti vandantaṃ pahareyya. ‘‘Aññaṃ cintayamāno’’ti iminā aññasmiṃ ārammaṇe cittaṃ vidahati ṭhapetīti aññavihitoti dasseti.
ਸਙ੍ਘਤੋ ਉਦ੍ਧਰਿਤ੍વਾ ਖਿਪਿਤਬ੍ਬੋ ਅਪਨੇਤਬ੍ਬੋਤਿ ਉਕ੍ਖਿਤ੍ਤੋ, ਸੋਯੇવ ਉਕ੍ਖਿਤ੍ਤਕੋ। ਤੇਹੀਤਿ ਚਤੂਹਿ। ਅવਨ੍ਦਿਯੇਸੁ ਪਨ੍ਨਰਸਪੁਗ੍ਗਲੇਸੂਤਿ ਸਮ੍ਬਨ੍ਧੋ। ਅਨ੍ਤਰਾ વੁਤ੍ਤਕਾਰਣੇਨ ਚਾਤਿ ਅਨ੍ਤਰੇ વੁਤ੍ਤੇਨ ‘‘ਤਞ੍ਹਿ વਨ੍ਦਨ੍ਤਸ੍ਸ ਮਞ੍ਚਪਾਦਾਦੀਸੁਪਿ ਨਲਾਟਂ ਪਟਿਹਞ੍ਞੇਯ੍ਯਾ’’ਤਿਆਦਿਨਾ ਕਾਰਣੇਨ ਚ। ਇਤੋਤਿ ਪਨ੍ਨਰਸਪੁਗ੍ਗਲਮ੍ਹਾ । ਇਤੀਤਿ ਏવਂ। ਸਚੇ ਉਦ੍ਦੇਸਾਚਰਿਯੋ ਚ ਓવਾਦਾਚਰਿਯੋ ਚ ਨવਕੋ ਹੋਤਿ, ਨ વਨ੍ਦਨੀਯੋ। ਸਬ੍ਬਤ੍ਥਾਤਿ ਕਥਿਨਤ੍ਥਾਰવਗ੍ਗੇ।
Saṅghato uddharitvā khipitabbo apanetabboti ukkhitto, soyeva ukkhittako. Tehīti catūhi. Avandiyesu pannarasapuggalesūti sambandho. Antarā vuttakāraṇena cāti antare vuttena ‘‘tañhi vandantassa mañcapādādīsupi nalāṭaṃ paṭihaññeyyā’’tiādinā kāraṇena ca. Itoti pannarasapuggalamhā . Itīti evaṃ. Sace uddesācariyo ca ovādācariyo ca navako hoti, na vandanīyo. Sabbatthāti kathinatthāravagge.
ਇਤਿ ਕਥਿਨਤ੍ਥਾਰવਗ੍ਗવਣ੍ਣਨਾਯ ਯੋਜਨਾ ਸਮਤ੍ਤਾ।
Iti kathinatthāravaggavaṇṇanāya yojanā samattā.
ਨਿਟ੍ਠਿਤਾ ਚ ਉਪਾਲਿਪਞ੍ਚਕવਣ੍ਣਨਾਯ ਯੋਜਨਾ।
Niṭṭhitā ca upālipañcakavaṇṇanāya yojanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧੪. ਕਥਿਨਤ੍ਥਾਰવਗ੍ਗੋ • 14. Kathinatthāravaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਕਥਿਨਤ੍ਥਾਰવਗ੍ਗવਣ੍ਣਨਾ • Kathinatthāravaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕਥਿਨਤ੍ਥਾਰવਗ੍ਗવਣ੍ਣਨਾ • Kathinatthāravaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕਥਿਨਤ੍ਥਾਰવਗ੍ਗવਣ੍ਣਨਾ • Kathinatthāravaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વੋਹਾਰવਗ੍ਗਾਦਿવਣ੍ਣਨਾ • Vohāravaggādivaṇṇanā
