| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
કથિનત્થારવગ્ગવણ્ણના
Kathinatthāravaggavaṇṇanā
૪૬૭. કથિનત્થારવગ્ગે ઓતમસિકોતિ એત્થ અવતમં ગતો ઓતમસિકોતિ દસ્સેન્તો આહ ‘‘અન્ધકારગતો’’તિ. અન્ધકારસદ્દેન તમસદ્દો અન્ધકારપરિયાયોતિ દસ્સેતિ. તન્તિ ઓતમસિકં . અસમન્નાહરન્તોતિ તં અસમન્નાહરન્તો, કસ્મા અસમન્નાહરન્તોતિ આહ ‘‘કિચ્ચયપસુતત્તા વન્દન’’ન્તિ. એકતોતિ કોપેન સદ્ધિં. વેરી વિસભાગપુગ્ગલો એકતો આકોધેન વત્તનટ્ઠેન એકાવત્તોતિ વુચ્ચતિ. પહરેય્યાતિ વન્દન્તં પહરેય્ય. ‘‘અઞ્ઞં ચિન્તયમાનો’’તિ ઇમિના અઞ્ઞસ્મિં આરમ્મણે ચિત્તં વિદહતિ ઠપેતીતિ અઞ્ઞવિહિતોતિ દસ્સેતિ.
467. Kathinatthāravagge otamasikoti ettha avatamaṃ gato otamasikoti dassento āha ‘‘andhakāragato’’ti. Andhakārasaddena tamasaddo andhakārapariyāyoti dasseti. Tanti otamasikaṃ . Asamannāharantoti taṃ asamannāharanto, kasmā asamannāharantoti āha ‘‘kiccayapasutattā vandana’’nti. Ekatoti kopena saddhiṃ. Verī visabhāgapuggalo ekato ākodhena vattanaṭṭhena ekāvattoti vuccati. Pahareyyāti vandantaṃ pahareyya. ‘‘Aññaṃ cintayamāno’’ti iminā aññasmiṃ ārammaṇe cittaṃ vidahati ṭhapetīti aññavihitoti dasseti.
સઙ્ઘતો ઉદ્ધરિત્વા ખિપિતબ્બો અપનેતબ્બોતિ ઉક્ખિત્તો, સોયેવ ઉક્ખિત્તકો. તેહીતિ ચતૂહિ. અવન્દિયેસુ પન્નરસપુગ્ગલેસૂતિ સમ્બન્ધો. અન્તરા વુત્તકારણેન ચાતિ અન્તરે વુત્તેન ‘‘તઞ્હિ વન્દન્તસ્સ મઞ્ચપાદાદીસુપિ નલાટં પટિહઞ્ઞેય્યા’’તિઆદિના કારણેન ચ. ઇતોતિ પન્નરસપુગ્ગલમ્હા . ઇતીતિ એવં. સચે ઉદ્દેસાચરિયો ચ ઓવાદાચરિયો ચ નવકો હોતિ, ન વન્દનીયો. સબ્બત્થાતિ કથિનત્થારવગ્ગે.
Saṅghato uddharitvā khipitabbo apanetabboti ukkhitto, soyeva ukkhittako. Tehīti catūhi. Avandiyesu pannarasapuggalesūti sambandho. Antarā vuttakāraṇena cāti antare vuttena ‘‘tañhi vandantassa mañcapādādīsupi nalāṭaṃ paṭihaññeyyā’’tiādinā kāraṇena ca. Itoti pannarasapuggalamhā . Itīti evaṃ. Sace uddesācariyo ca ovādācariyo ca navako hoti, na vandanīyo. Sabbatthāti kathinatthāravagge.
ઇતિ કથિનત્થારવગ્ગવણ્ણનાય યોજના સમત્તા.
Iti kathinatthāravaggavaṇṇanāya yojanā samattā.
નિટ્ઠિતા ચ ઉપાલિપઞ્ચકવણ્ણનાય યોજના.
Niṭṭhitā ca upālipañcakavaṇṇanāya yojanā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / પરિવારપાળિ • Parivārapāḷi / ૧૪. કથિનત્થારવગ્ગો • 14. Kathinatthāravaggo
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / પરિવાર-અટ્ઠકથા • Parivāra-aṭṭhakathā / કથિનત્થારવગ્ગવણ્ણના • Kathinatthāravaggavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / કથિનત્થારવગ્ગવણ્ણના • Kathinatthāravaggavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / કથિનત્થારવગ્ગવણ્ણના • Kathinatthāravaggavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / વોહારવગ્ગાદિવણ્ણના • Vohāravaggādivaṇṇanā
