| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೪. ಕಥಾಪವತ್ತಿಸುತ್ತಂ
4. Kathāpavattisuttaṃ
೪೪. ‘‘ತೀಹಿ, ಭಿಕ್ಖವೇ, ಠಾನೇಹಿ ಕಥಾ ಪವತ್ತಿನೀ ಹೋತಿ। ಕತಮೇಹಿ ತೀಹಿ? ಯೋ ಧಮ್ಮಂ ದೇಸೇತಿ ಸೋ ಅತ್ಥಪ್ಪಟಿಸಂವೇದೀ ಚ ಹೋತಿ ಧಮ್ಮಪ್ಪಟಿಸಂವೇದೀ ಚ। ಯೋ ಧಮ್ಮಂ ಸುಣಾತಿ ಸೋ ಅತ್ಥಪ್ಪಟಿಸಂವೇದೀ ಚ ಹೋತಿ ಧಮ್ಮಪ್ಪಟಿಸಂವೇದೀ ಚ। ಯೋ ಚೇವ ಧಮ್ಮಂ ದೇಸೇತಿ ಯೋ ಚ ಧಮ್ಮಂ ಸುಣಾತಿ ಉಭೋ ಅತ್ಥಪ್ಪಟಿಸಂವೇದಿನೋ ಚ ಹೋನ್ತಿ ಧಮ್ಮಪ್ಪಟಿಸಂವೇದಿನೋ ಚ। ಇಮೇಹಿ ಖೋ, ಭಿಕ್ಖವೇ, ತೀಹಿ ಠಾನೇಹಿ ಕಥಾ ಪವತ್ತಿನೀ ಹೋತೀ’’ತಿ। ಚತುತ್ಥಂ।
44. ‘‘Tīhi, bhikkhave, ṭhānehi kathā pavattinī hoti. Katamehi tīhi? Yo dhammaṃ deseti so atthappaṭisaṃvedī ca hoti dhammappaṭisaṃvedī ca. Yo dhammaṃ suṇāti so atthappaṭisaṃvedī ca hoti dhammappaṭisaṃvedī ca. Yo ceva dhammaṃ deseti yo ca dhammaṃ suṇāti ubho atthappaṭisaṃvedino ca honti dhammappaṭisaṃvedino ca. Imehi kho, bhikkhave, tīhi ṭhānehi kathā pavattinī hotī’’ti. Catutthaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೪. ಕಥಾಪವತ್ತಿಸುತ್ತವಣ್ಣನಾ • 4. Kathāpavattisuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೪. ಕಥಾಪವತ್ತಿಸುತ್ತವಣ್ಣನಾ • 4. Kathāpavattisuttavaṇṇanā
