| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૪. કથાપવત્તિસુત્તં
4. Kathāpavattisuttaṃ
૪૪. ‘‘તીહિ, ભિક્ખવે, ઠાનેહિ કથા પવત્તિની હોતિ. કતમેહિ તીહિ? યો ધમ્મં દેસેતિ સો અત્થપ્પટિસંવેદી ચ હોતિ ધમ્મપ્પટિસંવેદી ચ. યો ધમ્મં સુણાતિ સો અત્થપ્પટિસંવેદી ચ હોતિ ધમ્મપ્પટિસંવેદી ચ. યો ચેવ ધમ્મં દેસેતિ યો ચ ધમ્મં સુણાતિ ઉભો અત્થપ્પટિસંવેદિનો ચ હોન્તિ ધમ્મપ્પટિસંવેદિનો ચ. ઇમેહિ ખો, ભિક્ખવે, તીહિ ઠાનેહિ કથા પવત્તિની હોતી’’તિ. ચતુત્થં.
44. ‘‘Tīhi, bhikkhave, ṭhānehi kathā pavattinī hoti. Katamehi tīhi? Yo dhammaṃ deseti so atthappaṭisaṃvedī ca hoti dhammappaṭisaṃvedī ca. Yo dhammaṃ suṇāti so atthappaṭisaṃvedī ca hoti dhammappaṭisaṃvedī ca. Yo ceva dhammaṃ deseti yo ca dhammaṃ suṇāti ubho atthappaṭisaṃvedino ca honti dhammappaṭisaṃvedino ca. Imehi kho, bhikkhave, tīhi ṭhānehi kathā pavattinī hotī’’ti. Catutthaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૪. કથાપવત્તિસુત્તવણ્ણના • 4. Kathāpavattisuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૪. કથાપવત્તિસુત્તવણ્ણના • 4. Kathāpavattisuttavaṇṇanā
